Gospel Centenary Building, Chanmari III (Falkawn) Lunglei ami chu Chanmari Kohhran kutah hlan fel a ni.

Tunkar Thawhtanni, May 2, 2022 chawhnu dar 1:00 khan Assembly 2022- thurel bawhzuiin, Gospel Centenary Building, Falkawn, Lunglei a mi chu Kohhran indanna atan leh Biak In atana hlanna Inkhawm tawi neih a ni a. He hunah hian BCM Puipate, Head of Department te, Bialtu Pastor, Chanmari Bial leh Chanmari Kohhran Committee member te an tel a ni.

Building hlanna Inkhawm hi Rev. R. Lalnunzira, AGS – Serice-in a kaihruai a. General Secretary Rev. R. Lalbiakliana’n Gospel Centenary Building BCM Chanmari kuta hlan a nihna chhan leh a kalkawng te sawi fiahin, Chanmari Kohhran te pawh an dil ang taka Kohhran lo than zelna atana a hma thei ang bera hmang nghal turin a chah a.

Hemi hnu hian BCM Chanmari Kohhran Chairman hnenah Building a hlan nghal a, Hriatpuitu te nen hming ziakin LSC photo copy nen in hlan fel a ni. Building hlan in a huam te hi a Kawtzawl, Hall awmna floor bak ah Hall awmna chung leh hnuai floor te a ni.

Building inhlan fel a nih hnu hian Chanmari Kohhran aiawhin  Upa Lalzara Sailo, Chairman, BCM Chanmari in thu a sawi a,  Rev. Dr. R. Lalthanmawia, AGS – Mission in fuihna thu tawi sawi lehin Pathian hnenah tawngtaiin Building hlanna Inkhawm a khar a ni.

Gospel Centenary Building awmna hmun hi 1961 ah Sawrkar in Kohhran hnena a pek a ni a, Chanmari Kohhran chuan hun engemawchen Biak In hmun atan an hmang  thin a, chumi hnu-ah hmun laili zawk, tuna Chanmari Biak In hmunah hian insawn-in Biak In an sa leh ta a, an hmun hlui chu Property Department kutah hlanin Pastor Quarters awmna atan ruahman leh a ni. Kum 1990-ah Gospel Centenary Building atan buatsaihin a lungphum phum a ni a, 1994, January 11 khan he Building hi hawn a lo ni ta a  ni.  Tichuan Property Department-in enkawl zuiin, kawng hrang hrangin hman a lo ni a, HATIM din a nih khan an campus an luah theih hma atan luah a ni a, 2021 Session thar atangin HATIM chu Campus thar, kawmzawlah an insawn tak avang in a lo ruak ve leh ta a. Assembly chuan hetiang hian ruahmanna a siam ta a ni.

Gospel Centenary Building Current pic: 2022

BCM Puipate leh Chanmari Kohhran Puipate