HATIM Boys Hostel sakna tur laihzawl hna tan a ni:

Higher and Technical Institute, Mizoram (HATIM) Campus, Kawmzawl-ah Boys’ Hostel sakna tur hmun laih zawl hna thawh mek a ni a. He hna hi MṬKP rorelna-in a lo passed angin Unit tinte HATIM Boys’ Hostel sakna tur puala fehchhuah thawhlawm tlingkhawm cheng nuai 5 an pek hmanga bul ṭan nana hman a ni.

A hmun laihzawlna bak chu sum awm dan a zira la chhunzawm bek bek a ni ang. Heng thilpek hlu tak petu ṬKP member zawng zawngte hnenah BCM hruaitute leh HATIM chhungkuain lawmthu an sawi a ni.