Mizoram Sorkar, Department of  Information & Communication Technology chuan  Mizorama Zirna In hrang hrang ten an Website an enkawl te update tha leh hmang tangkai zual a thlang chhuah zingah Hiagher And Technical Institute, Mizoram (HATIM) chu telin  Online Excellence award an dawng.

He Award hi May 12, 2022  khan Vanapa Hall, Aizawl-ah sem a ni a. He hunah hian Mizoram Governor Hari Babu Kambhampati chu khuallian niin Award dawng tur a puang nghal a ni. He award hi HATIM aiawhin Principal Pu Vuansanga’n a va dawng a ni.

HATIM website (https://www.hatim.ac.in) hi kum 2015 atang khan pangngai takin kalpui a ni a, College chungchanga hriat tur pawimawh hrang hrang te, Zirlai te mamawh hrang hrang – Online Fee pekna te, Online Admission Form Apply-na te, Online Class kalna leh Exam Result tarchhuah nan te,  College thu thar leh Programme hrang hrang te tarchhuah nan hman a ni.