HATIM Valedictory Ceremony hmang

Higher and Technical Institute, Mizoram

Higher & Technical Institute, Mizoram (HATIM) chuan May 24, 2018, (Ningani) hian Zirlai zirzo te tirhchhuahna leh thlahna inkhawm vawi 9-na (9th Valedictory Ceremony) Convention Cenntre, Lunglei-ah an hmang dawn a. Dr. Vanlalramsanga, Secretary, Planning & Programme Implementation, UD & PA, Gov’t of Mizoram chu khuallian a ni ang. 

Inkhawm hi Dr. Rema Chhakchhuak, Principal, Hatim-in kaihruaiin, zirlai kal chhuakte puala thuchah (Valedictory Address)khuallianin a nei ang a, Zirlai kalchhuakte tawngtaisakna BCM President-in neiin, Rev. R. Zohmingliana, AGS i/c Service -in College Annual Megazine a tlangzarh ang.

Higher & Technical Institute, Mizoram (HATIM)hi kumn 2007-ah din tan niin a din tirh hian BCA (Bachelor of Computer Application) course leh  Bachelor of Commerce (Honours) and Bachelor of Commerce (General) te hmangin bul tan a ni a. Tunah hian BA (English Core) leh BSW te dah belh leh niin Department pali – BCA, B.Com, BSW leh B.A. (English) te a lo awm ta a ni.

Kum 2016 khan University Grants Commission Act, 1956 Section 2(f) & 12(B) hnuaiah recognition an hmu a. UGC atangin zirtirtu leh zirlaite hamthatna leh tanpuina te an dawng ve thei ta a ni.

HATIM hian din anih atangin result tha tak tak an lo nei tawh thin a, Course hrang hrangah Mizoram Topers leh Top-Ten-a lang an nei deuh ziah a ni. A bul tanpuitu leh Principal hmasaber, Dr. Chawngthanpari hi pension tawh-in, tunah hian Dr. Rema Chhakchhuak chuan Principal hna hi a thawk mek a ni.

HATIM hian an awmna nghet tur, Kawmzawl-ah building thar an buatsaih mek a, building thar hmunah hian Hosetel chu sak zawh tawh niin zirlai engmaw zat an awm mek a ni.

Read More story

Home Page

Posted in BCM News.

admin