Hnahthial North Bial TKP te Leadership Training an nei

Hnahthial N Bial TKP Leadership Training

Hnahthial North Pastor Bial TKP buatsaihin kar hmasa Inrinni, January 25 khan BCM Biak In, Denlung-ah Bial TKP Leadership Training neih a ni a. Resource Person-ah Rev. K. Lalbiakenga, MTKP Organiser hmangin MTKP hruaitute  Pu Lalhmunmawia leh Nl. J. Lalrintluangi, Exe.Committee member ten an tawiawm bawk.

He leadership training programme-ah hi TKP member mi 80 chuang an kal a, nilengin hun hman a ni a, hlawk thlak an ti hle.  Hnahthial North Bial-ah hian TKP Unit 4 – Denlung, Electric, Electric North leh Thiltlang te an awm a, TKP member 817 an awm mek a ni.

A tuk, January 26 (Pathianni) khan MTKP hruaitute, Office Bearers te chuan Bethel Kohhran, Dawn tlawhin an kal bawk a. MTKP hruaitute hi Zobawk North Bialtu pastor Rev. Lalzuitluanga leh Bial TKP hruaituten an tawiawm bawk.

MTKP hruaitute hian BCM Bethel, Dawn Biak In sak tanpui nan TKP Day thawhlawm atangin Rs.50,000 chu TKP hmingin an hlan a, Bethel Kohhran leh Bial hruaitute an lawm hle.