Hnahthial North Pastor Bial Huap ‘Zaipawl Seminar’ Neih a ni.

February 5, 2022 Inrinni nileng khan Hnahthial North Pastor Bial huap in Zaipawl Seminar neih a ni a. Seminar ah hian Bial Zaipawl leh Bial chhunga tualchhung Kohhran Zaipawl te an tel a, Bial Worship & Music Committee hruaitu ten an telpui bawk.

Zaipawl Seminar ah hian Rev. Lalremsiama Ralte Director Worship & Music Department chu resource person atana hman a ni a, ani hi Rbt. ZD Lalthlamuana, BCM Kikawn, Lunglei in a tawiawm a ni.

Seminar hi hun hnih (Chawhma leh Chawhnu) ah then a ni a, chawhma lam hun hi Upa F.Aizama, Chairman Bial Worship in kaihruai in, chawhnu lam hun hi Rbt. Lalrindika Secretary, Bial Worship in a kaihruai a, hun hlawkthlak taka hman niin Bial leh Tualchhung Kohhran Zaipawl member leh Bial Worship hruaitu te atangin mi 80 velin he hun hi an hmang a ni.

Hnahthial North Pastor Bial ah hian Kohhran 4 awm in, Bial zaipawl leh tualchhung kohhran 3 zaipawl an awm mek a, tualchhung kohhran pakhat BCM Denlung erawh chuan Kohhran Zaipawl an la nei thei rih lo a ni.