Hnahthial ‘S’ Bial-in BCM Lungvar (Khawzawl Pastor Bial)-ah Camping an buatsaih sak.

Hnahthial ‘S’ Pastor Bial chuan  BCM Lungvar, Khawzawl Bial-ah Rev Tc. Vanlalmalsawma,  Bialtu Pastor, Hnahthial ‘S’ Bial Speaker-a hmangin Kohhran din tirh atanga a vawi khatna atan Camping  an buatsaih sak.  November 11-12 chhung khan Kohhran huraitute pualin Camping hi neih a ni a, November ni 16 zan atangin vantlang huapin neih chhunzawm leh mek a ni a, Camper 24 an lut a ni.

He Camping hi BCM Lungleng, Hnahthial ‘S’ Bial ten, Kohhran harsa zawkte tana Camping buatsaih sak ni se ti-a Planing-a an lo dah bawhzuina a ni a. Camping senso zawng zawng an tum sak vek bakah, eirawng bawl sak tur te, Speaker tanpui tur te leh a tul apiang thawk turin Kohhran member 10 zet an thawk chhuak a ni.

BCM Lungvar hi kum 2020 October a ding a ni a. Tunah hian Kohhran member 62 awm in, Rawngbawltu 10 an awm a, Kohhran upa an la nei lova, kumin hian Upa 3 thlan dilin  ABC Rorelnaah ngaihtuah a ni ang.