HPC Vice Chirman-in BCM hruaitute hmu

January 25, 2019 (Zirtawpni) tlai dar 4:00 khan Pu Lawmawma Tochhawng, HPC Vice Chairman chuan Mizoram Baptist Kohhran Headquarters Office, Serkawn tlawhin, General Secretary Office Chamber-ah  BCM hruaitute nen inkawmhona hun tha tak an nei.

HPC Vice Chairman hi BCM puipate – Rev. Lalbiaksanga, President BCM, Rev. Pc Liandula, President Elect, Rev.F.Ramdinmawia, General Secretary, Rev. Dr. C. Vanlaldika, AGS i/c Mission, Rev. R. Zohmingliana, AGS i/c Service ten an lo dawngsawng.

HPC Vice Chairman chuan BCM hruaitute a rawn hmuh chhan chu – Mizoram MLA Election kan neih zawh takah Kohhran hoten inthlanna muanawm kan neih theih nan leh candidate te tan nasa takin an tawngtai a, inthlanna ralmuang tak kan neih theih avang leh Sorkar thar a lo pian tak avanga lawmthu sawi a bat thu a sawi a. Kohhran mipui zawng zawng chungah lawmthu sawi vek sen a nih loh avangin Headquarters ah ngei lawmthusawina neih a duh avanga lo kal a nih thu a sawi a, Sorkar thar tha taka a kal a, ram hruaituten dikna leh Pathian tih chunga ro an rel zel theih nana tawngtaipui zel turin a sawm a. Thurawn pek tur an neih te inhawng taka dawngsawng tura a inpeih nghal thu a sawi bawk.

Kohhran hruaitute pawhin HPC Vice Chairman hi lawm takin an lo dawngsawng a. Sorkar thar chu an lawmpui thu leh Kohhran miten sorkar tharah beiseina sang tak an neih thu te sawiin, titihona hun tha tak an lo neihpui a. Ram hruaitute tan Kohhran hoten bang lova an tawngtaipui zel tur thu-in an thlah a ni.

 

Posted in BCM News.

admin