Hrileng karah Missionary Day  hman a ni.

January 11, 2021 (Thawhtan Ni) kha Mizoram-a Missionary hmasa ber te lo thlen champha phak, “Missionary Day” a ni a.  Covid-19 hrileng laka mipuite kan himna atan Sawrkarin inkhuahkhirhna dan a siam avangin Inkhawm leh inpawlhona lam te a tih theih ta lo a. Chutih laiin, Kohhran tam takin mahni remchan ang ang in an hmang a, Thingtlang hmun thenkhatah phei chuan ruai nena lawm pawh an awm bawk.

Kumin Missionary Day-ah hian Mizoram Baptist Kohhran chuan Headquarters atangin zing lam leh zan lamah thupui a buatsaih a. Zing inkhawm thupui-ah  “Lalpaah chuan lawm fo rawh u” (Phil. 4:4) tih leh, Zan lam inkhawm thupuiah “Lalpaa lawm, kan chakna” (Nehemia 8chhu:10)  tih thu hman a ni.

Aizawl ah chuan Missionary Day lawmna Inkhawm hi zing dar 7:00 ah McDonald Hill, Zarkawtah neih a ni a. He hmunah hian lawmthusawi Tawngtaina neiin, Mizorama Chanchin Tha lo luh dan leh Sap Upa leh Pu Buanga te rawngbawlna tlangpui ngaihthlak a ni bawk. Kohhran tam takah Missionary Day lawmna Inkhawm hi nei thei lo mah se, Zing Tawngtai Inkhawm hunah Pathian hnena lawmthusawina leh Inkhawm hun pangngaiah Biak In atanga thuchah puan chhuahna neih a ni.