IBWU General Assembly-ah MBKHP palai

IBWU-ah MBKHP hruaitute

November 27-29, 2019 chhung hian India ram chhunga Baptist Hmeichhe inzawm khawm, India Baptist Womens Union (IBWU) General Assembly chu CBCNEI Guwahati ah neih mek a ni a. Thupuiah – Rom 12:2 thu “In rilru a thara awmin lo danglam zawk tawh rawh u” tih hman a ni.

He Inkhawmpui hmang hian MBKHP atangin palai 27 an kal a. Speaker leh Resource person zingah Pi K.Laldinpuii President BKHP New Serchhip Unit chuan “Relationship in Ministry” tih thupui hmangin Paper a present a, Pi F. Zanguri, Treasurer MBKHP –in Workshop a kaihruai bawk. Heng bakah hian MBKHP palai te hian Inkhawmpui tawp zanah Special Item neiin hla an rem bawk a ni.

He Inkhawmpui-ah hian Rorelna leh hruaitu thar thlanna neih a ni a, chanchin kan lakkhawm lai hian rorel thu passed leh hruaitu thar tlan kan hre hman lo a ni. Inkhawmpui tawp zanah Dr.Vernette Myint San, President Asia Baptist Women Union in Hruaitu tharte lakluhna hun a hmang bawk.Tunah hian Rbt F.Zanguri, Treasurer MBKHP chu IBWU ah hian Executive Comt member a ni mek bawk. He khawmpui chhim tura MBKHP atanga palai kal te hi, Regional Field Director leh a thawhpui ten Gawahati, BCM Guest House ah an lo mikhual a ni.

 

Posted in BCM News.

admin

Leave a Reply