Ram pum huapin Covid-19 pualin tawngtaina neih a ni dawn.

United Christian Prayer Fellowship for India (UCPI) chuan tunlai khawvel buaina thlentu Covid-19 do let nan India rama Kohhran zawng zawng te tawngtaiho turin an ngen a. He Tawngtairualna Programme hi MizoramBaptist Kohhran pawhin zawm ve a remti a, Tualchhung Kohhran tin ten he hun hi ngaipawimawha tawngtai thupui siamsa hmanga a remchan anga lo zawm theuh turin General secretary, Rev. F. Ramdinmawia chuan Kohhrante a sawm a ni.

He tawngtai Programme-ah hian Tawngtai thupui sawm siam a ni a  – Sual ngaihdam dilna te, Hnam damna atana dilna te, India rama Kohhran hruaitute, Sorkar hruaitute leh party hruaitu te, Doctor leh Nurse te leh damdawiina thawktu zawng zawngt ete, Police leh Force te, nitin mamawh zuarte tan leh bungraw phurtu lirthei khalhtute tan te, Damdawi lam mamawh kan intodelh theih nan te, Khawvel huapa hripui tuartu zawng zawng te tan”, tih te a ni.

United Christian Prayer Fellowship for India (UPCI) hi Kohhran pawl bik awm lo, Kohhran leh Pawl hrang hrang  member/thawhpui neia  India ram pum tana tawngtaia inzawmkhawm an ni a,   he pawl din chhan leh tum ber chu, India ram hi Lal Isua Lalna ram a lo nih theih nana theihtawpa tawngtaina hmanga hneh a ni. 

BCM leh UCPI te hian May 29, 2016 khan Mizoram Baptist Kohhran nen thawhhona atana inremsiamna (MoU) an ziak a, Mission lama rawngbawlna-ah te, India ram pumpui tana tawngtai-a hmalakho kawngah te, Rawngbawlna inhriattawn leh in tanpui tawn dan tur ruahman te, a tul anga sum leh tha-a intanpui tawn tur te-in MoU hi an ziak a ni.