India Republic Day puala tawngtai tura ngenna

Kan hma lawk, January 26, 2020 (Pathianni) hi India ram Republic Day a ni a. Hemi Ni denchhen hian Deputy Commissioner chuan Sakhaw hrang hrangte India ram tana tawngtai turin a rawn ngen a. Hei hi Mizoram Baptist Kohhran chuan ngaipawimawhin, hemi ni Inkhawm-ah emaw, hun remchang kan neih dan angin India ram tana tawngtaina hi nei theuh turin Tualchhung Kohhran tinte kan inngen a ni.

Tawngtai thupui tur chu a hnuaia tarlan ang hi ni e:-
1. India ram pumah Remna leh Muanna a awm theih nan.
2. Khawtlang inlungrualna tha a awm zel theih nan
3. Ram pumah Inpumkhatna leh inpawhna tha zawk a awm zel theih nan
4. India ramin kawng hrang hranga hlawhtlinna leh hmasawnna tha a neih zel theih nan.

Hun a tepter tawh avangin Lehkha tih chhuah hman a ni tawh lo va. Social Media lama kan thu chhuah hi thu tlingah ngaiin Kohhran hoten hma lo la turin kan in ngen nghal bawk a ni e.

 

Sd/- (REV.F.RAMDINMAWIA)
General Secretary
Baptist Church of Mizoram

Posted in BCM News.

admin