JBS-in Missionary Training chhuakte thlahna Programme an hmang

Lunglei, 25th January 2020:
Nimin, January 24 chawhnu dar 12:30 khan Jubilee Bible School, Ramzotlang, Serkawn chuan, JBS Hall-ah Missionary Refreshers’ Course Training chhuak mi 11 te thlahna leh BCM Mission Department hotute nena inkawmhona Programme an hmang a, BCM hruaitute leh JBS Zirlai bakah sawm bik mithenkhat ten he hun hi an hmanpui a ni.

Training chhuakte thlahna leh Inkahwmhona programme hi Rev. Pc. Vanlalmuana, JBS Lecturer-in a kaihruai a. BCM Mission Department chungchanga inkawmhona Rev. C. Vanlaldika, AGS Mission-in kaihruaiin BCM Prssident, Rev. PC Liandula leh Rev. VL Chhuanawma Sailo ten thu an sawi bawk. Rev. Joseph Vanlalruata, JBS Dean-in Report tawi pein, Rev. R. Lalthangliana, Mission Coordinator-in Training chhuak mi 11 te hnenah Certificate a hlan a. Rev. C. Lalbiakzuala’n Training chhuakte tawngtaisakna neiin General Secretary, Rev. F. Ramdinmawia’n Fuihna thuchah a sawi bawk. Inkhawm hi Rev. Hmangaihvulluaia’n malsawmna-in a khar a, tlai lamah zanriah an kilho nghal a ni.

BCM Mission Department-in kum tina Missionary thawk mek te tan Refreshers’ Course Training hi AICS-ah emaw, Jubilee Bible School, Serkawn-ah emaw a buatsaih thin a. Tun tumah hian Missionary 11 Refreshers’ Course Training tura koh te an kal kim vek thei a ni. Refreshers’ Course-ah hian JBS zirtirtute bakah Department hrang hranga mithiamten zirtirna an pe thin a, Rawngbawlna leh thlarau nun intuaitharna bakah, Taksa hriselna lam leh inrelbawl dan hrang hrang te an zir bawk a ni.