Jubilee Bible School-in Graduation Programme an hmang

December 10, 2019 (Thawhlehni) chawhnu dar 01:00 khian Jubilee Bible School, chuan JBS Hall, Ramzotlang, Serkawn – ah Zirlai chhuak turte Certificate hlanna leh thlahna Inkhawm, Graduation Service an hmang a. General Secretary Rev. F. Ramdinmawia chu khuallian niin, Graduation Speech a sawi.

Inkhawm hi Rev. C. Lalbiakzuala, JBS Faculty-in a kaihruai a, Rev. Joseph Vanlalruata, JBS Dean-in JBS report tlangpui a pe bawk, Rev. R. Lalbiakliana, AGS – Service-in Zirlai te hnenah sem thin Award hrang hrang hlanna neiin, Rev. Pc Liandula, BCM President-in Graduate te Certificate a hlan thung. Khuallian-in Graduation Speech a sawi bakah, Zirlaite leh Zirtirtute aiawh thu an sawi ngaihthlak a ni bawk.   Tun tumah hian zirlai 30-in DCS Course an zir zo thei a ni.

Jubilee Bible School hi April 7, 2015 atang khan tan a ni a,  Batch hmasa ber atan mi 20 lak an ni a, Second Batch-(2016)atangin mi 30 lak thin an ni ta a, tun tuma graduate te hi Batch 5-na an ni. JBS–ah hian course pathum – Certificate in Biblical Studies, Christian Education, leh Discipleship te chu Diploma in Christian Studies (DCS)  Course tiin thla 9 chhung zir atan kalpui a ni.