Kolkata Region hawng dawn

Baptist House-Kolkotta
Baptist House-Kolkata

Mizoram Baptist Kohhran, Mission Board Committee-in ruahmanna a lo duan, Assembly 2016 pawhin a lo pawmpui tawh angin BCM Mission Field hrang hrang te, Region pahniha then  leh Region thar Kolkata Region chu  July 31, 2016 khian hawn a ni dawn a. Hawnna Inkhawm hi Baptist House, Kolkotta-ah neih a ni ang a, Rev. Joseph Vanlalruata, Regional Director, Guwahti-in Inkhawm kaihruaiin Rev. Dr. C. Vanlaldika, AGS i/c Mission-in a hawng ang a, Rev. Lalhmunsanga, Regional Director, Kolkata Region-in Report tawi a pe ang. Detail Programme chu hetiang hi a ni:-

Detailed Programme:

A hmun : Baptist House, Kolkata
A hun : 31st July 2016( 11.00AM)
Hruaitu : Rev. Joseph Vanlalruata, Regional Director, Guwahati Region
Hla sakho : KHB 26, “Kan Pathianin min hruai zel thin”
Region thar hawn : Rev.Dr. C. Vanlaldika, AGS i/c Mission
Report : Rev. Lalhmunsanga, Regional Director
Thutawi sawi : A duh apiang
Thuchah sawi : Rev. B. Lalrinawma. Mission Coordinator
Tawpna tawngtai : Upa Dr. Vansanglura, Principal, Serampore College.

Mizoram Pawna kan Mission Field te hi inhlat tak tak an ni a, chuvangin region hnih – Guwahati Region leh Kolkata Region-ah then nise tiin Mission Committee chuan hetiang hian region hnihah then turin hetiang ruahmanna a siam a, ruahman ang hian Assembly 2016 chuan a pawm ta a ni, hetiangin:

1) Guwahati Region:

  1. Tripura Field
  2. Arunachal East Field
  3. Arunachal West Field
  4. Arunachal Far East Field
  5. Assam Field
  6. Good News Mission Society Guwahati
  7. Nepal Field

2)  Kolkata Region:

  1. Bengal Field
  2. Kolkata Field
  3. Jarkhand Fied
  4.  MP & MS Field
  5. North India Mission Field

Guwahati region ah hian Rev. Joseph Vanlalruata chu Regional Director a ni mek a, Kolkata Region ah hian Rev.Lalhmunsanga, Kolkata Field Director chu Regional Director a ni nghal ang.