Kangmei tuarte chhawmdawl

June.17,2017 khan Kauchhuah ah in pali a kangral vek a. Kristian in pakhat leh Kristian lo in pathum a kangral vek a ni. Heng in kang tuarte tanpuina tur hi Mizoram Baptist Kohhran, Relief and Development Department atangin thawmhnaw bag khat theuh leh bungbel leh Silpouline bakah Rs 1000 theuh a thawn.

June 23 zan khan heng kangmei tuarte hnenah hian R&D atanga tanpuina an hmuh chu Kauchhuah khawtlang hruaitu VC memberte hriatpuiin hlanna neih a ni a. Khawtlang pawh an lawm hle. Kristian leh Kristianlo chungah pawh Baptist kohhranin hetianga angkhat veka tanpuina kan pe hian khawtlang mite thinlung a hneh em em ani tih kan Missionary Sentei chuan report a rawn pe.

Mizoram Baptist Kohhran hianĀ  Relief & Development Department kaltlang hian Khuarel chhiatna lo thleng thin – Tuilian, Leimin, In kang leh tam tuarte hnenah a theih ang angin tanpuina sum fai leh thawmhnaw leh bungrua te pein a chhawmdawl thin a. Chung tanpuina chu a remchan angin Headquarters atanga mi intirin emaw, Pastor Bial leh Tualchhung Kohhran emaw, NGO leh Sorkar lam hotute kaltlangin a sem thin a ni. Tunhnaia Tlabung leh Mizoram hmun hrang hrang a tuilian leh leimin tuarte hnenah pawh tanpuina hi a theih ang angin a lo sem tawh bawk a ni.

Posted in BCM News.

Leave a Reply

Your email address will not be published. Required fields are marked *