Khuarel chhiatna tuar

Chawlhkâr hmasa maia ruah nasa tak a sûr avângin Mizoram hmun hrang hrangah chhungkaw tam takin in leh lo leh nunna chan hial te engngemawzat an awm a. Chung zingah chun BCM mi leh sate khaw hrang hrang-ah n awm bawk. Heng khuarel chhiatna tuarte hnenah hian BCM Relief & Development Department chuan a theih ang angin Bial kaltlangin chhawmdawlna a pe mek bawk. Chutihlaiin ram chhunga kan mission school tam takin he chhiatna hi an tuar a, AGS i/c Mission pawhin a theih ang angin a hmunah enin a tlawh bawk. Kan hriat theih chinh ram chhung Mission-a harsatna tawk nasa zualte Kohhran hoten kan tawngtaipui theih nan lo tarlang ila:-

#Baptist Mission School, Tuichawng hmun hma chu a min nasa a, Office phei chu luah ngam a ni lo.

#Zâwlpuia kan school leh Quarter-te tuiin nasa takin a chîm a, siam that ngaite pawh an awm nual.

#Tlabung Serhuana kan thawktu Quarter leh Biak leh In engemaw zât chu tuiin a chîm nasa hle.

#Baptist Boarding School, Chawngte chu tuiin a chîm a, thawktute hmun him lamah an inthiar chhuak nual.

#Matisora (Belpei)-a kan Missionary Quarter chu De tuilianin a chîm pil vek a, a chhûngah chirh khup thleng thleng a hnutchhiah a, a chhuat a khi ruah bawk a, luah ngam a ni lova, thawktute mi In luahin an awm mêk.

#Baptist Mission School, Kawrpuichhuaha school chu tuiin a chîm avângin luah theih a ni lo va, thawktu Quarter pawh tuiin a chîm a, Biak In lamah an insuan lût a ni.

Posted in BCM News.

admin