KNP Day 2022 Thawhlawm tlingkhawm Rs. 1,45,525 BCO ah hlan a ni.

‘KNP Day 2022 Thawhlawm chu BCO Tanpui nan hman ni se’ tih a nih angin KNP Unit hrang hrang ten Bial kaltlanga Headquarters-a KNP Day Thawhlawhlawm an chhun luh tlingkhawm Rs. 1,45,525/- chu tunkar thawhlehni, May 17 khan Nauhnuchham enkawlna (Baptist Church Orphanage) tanpui nan pek fel a ni.

Thilpek hlanna hi BCO Office, Ramzotlang, Serkawn-ah neih a ni a. Fellowship Department Director Rev. ZD Rodingliana leh KNP Promoter Nl. K. Ramthianghlimi ten an hlan a, BCO Manager, Rev. H. Vanlalruata’n thilpek hi lo dawngin, KNP member zawng zawng te chungah lawmthu a sawi a. BCO din a nih atanga tun thlengin Pathian leh Kohhrante hi BCO innghahna bulpui a la nih reng thu leh, Kohhran te leh Fellowship hrang hrang te, Pawl hrang hrang bakah mimal inpekna tlingkhawm atanga in enkawl an nih thu a sawi.

Tun dinhmunah BCO-ah hian Naupang enkawl lai mi 14 an awm mek a, a naupang ber hi thla 6 mi a ni.