KNP Day-April 23

KNP(New)

Tunkar Pathianni, April 23, 2017 hi Kristian Naupang Pawl (KNP) Din champhaphak (KNP Day) vawi 74-na a ni a. Kumin KNP Day thupui atan ‘Mi dangte khawngaihtu’ ( Lk 10:33-37)tih thu hman a ni ang.  KNP Unit awmna Kohhran hrang hrangah urhsun taka hman  ani ang a, Pastor Bial engnemawzat chuan hmei ni denchhen hian KNP Inkhawmpui an hmang ang. Kumin KNP Day-ah hian kum adanga tih thin ang bawkin Headquarters atangin  Tawngtai rual thupui thlansa, Thuchah tawi chhiar tur leh Quiz kaihruaina te buatsaih a ni a. Heng bakah hian Tualchhung Kohhran elh KNP Unit ten tul leh tha an tih angin Special Item, Infiamna leh hruaitute tul leh tha an tih angin programme  siam thei ang.

Tawngtai rual Thupui:-
– KNP member zawng zawngte tân
– KNP hruaitute zawng zawng tân
– Nu leh pa zawng zawngte tân

KRISTIAN NAUPANG PAWL (KNP) chanchin tlangpui:

RISTIAN NAUPANG PAWL (KNP) hi 23 April, 1943 khan BMS Missionary-te Pi Zoduhi leh Pi Zomuani’n an lo din tawh a. Huna eng emaw chen inkaihhruaina mumal tak awm lova kalpui a nih hnuin, kum 1973 BCM Assembly chuan ‘K.N.P.hi mumal zawka  enkawl nise’ tiin a lo rel ta a. Naupangte zingah Pathian ram a lo zau a, a lo ngheh a, a lo lanfiah deuh deuh theih nan inkaihhruaina Dan pawh mumal taka siam a lo ni ta a. K.N.P.hi a din atanga kum sawmnga chuang lai mai chu enkawltu hrang hrangte enkawlna hnuaiah dah a ni a. A din tanni 23 April hi hun eng emaw chen hnuah chhut chian chauh a ni a. Chu chu Assembly-ah thlen a ni a. Kum 2002 Assembly chuan he ni 23 April hi K.N.P. Day atan a lo pawm fel ta a ni.

Kristian Naupang Pawl (KNP) te hi nakin lawka ram leh hnam, kohhran enkawltu tur leh kaihruaitu tur an la nih avangin leh anmahni mai chuan la in enkawl theilo an nih avangin enkawl a, kaihhruai ngai an ni a. Mizoram Baptist Kohhran chuan hei hi hrechiangin anmahni kaihhruaina tur dante siamin hma a la chho zel a. Naupangten an pawimawhna leh Kohhranin a ngaih pawimawhzia an lo hriat zel theihna turin a bik taka anmahni puala ‘NI BIK’ kumtina an neih a, an hman hi Mizoram Baptist Kohhran Assembly chuan tha a ti a. Kumtina KNPten rualkhai tak leh hlim taka an hman theihna turin “BCM NI PAWIMAWH BU’ ah hian dah tel a lo ni ta a ni.

BCM Inchhiarna (Statistics) 2016-2017-in a tarlan danin tunah hian Kristian Naupang Pawl (KNP) member 32100 an awm mek a, Mipa – 16388 leh hmeichhia- 16563 an ni.

KNP DAY THUCHAH:

Kristian Naupang Pâwl member zawng zawngte Isua Krista hmingin KNP day chibai ka bûk vek a che u.

KNP te hi Pathian rawngbâwltu pawimawh tak kan ni a, Naupang tê tê ni mah ila, Pathian ram rawngbâwlnnah hian tih theih tam tak kan nei ve a. Kumin KNP day-ah hian kan thupui chu ‘Mi dangte khawngaihtu’ tih a ni. Mi dangte chunga khawngaihna leh hmangaihna lantîr hi Naupangte pawhin kan ti thei a. Lal Isuan min hmangaih a, min tanpui a, kan mamawhte min tihsak avângin keini pawhin Lal Isua kan hmangaihna chu mi dangte chunga khawngaihna leh hmangaihna lantîr hi a ni.

Kuminah hian KNP ten thuzir kan nei leh a, kan thuzirte hi ngun takin zir ila, a bu hi neih vek tum ila, kum tâwpah tha taka exam vek tûrin inbuatsaih ang u.

Naupangte |hian Chanchin bu thla tin chhuak kan nei a, hei hi KNP memberte chuan lâk theuh tum ila, tha taka a chhuah chhunzawm zêl theih nân a buaipuite tân kan tawngtai thîn dâwn nia.

KNP member zawng zawngte Lalpan hruaiin awmpui zêl rawh se.

Posted in BCM News.

Leave a Reply

Your email address will not be published. Required fields are marked *