KNP Trainers’ Training neih a ni.

Tunkar Nilaini, February 17, 2021 (Nilaini) Khan BCM BCM Hall, Headquarters Office, Serkawn-ah Kristian Naupang Pawl (KNP) Trainers’ Training neih a ni.

Pi PS Lalhmingthangi, KNP Promotor-in Training hi kaihruaiin, tanna hun a hmang a. General Secretary Rev. F. Ramdinmawia, FOD Director chuan fuihna thuchah sawiin KNP te enkawlna kawnga hma latu mithahnemngai tak tak te leh KNP hruaitute inpekna avangin lawmthu a sawi a, Naupangte enkawl pawimawh zia leh nakin lawka Kohhran leh ram hruaitu tur an nih thu sawiin theihtawpa tan la thar zel turin a fuih bawk.

Training hi hun hnih ah then in Chawhma lamah-ah hian Resource Person-ah C. Lalremkimi’n hun hmang in “Tunlai Khawvela Naupangte kaihhruai dan” tih thupui hmangin zirtirna a pe a, chawhnu lam ah Pro.Pastor Joseph Liansangpuia’n hun hmangin thupui “Tunlai khawvel kalphung mila Pathian thu hmanga naupang kaihhruai dan” tih thupui hmang in zirtirna a pe bawk.