Kohhrante hnena ngenna

BCM Hqrs. Office, Serkawn

Covid-19 in khawvel a tihbuaina kal zel ah hian, kan ram Mizoram ngei pawha lo thleng ta a. Hei hian kohhran leh mipui te khawsak phung pangngai pawh a tibuai nasa ta hle mai.

Hetiang hi kan dinhmun a nih tak avangin March 27, 2020-a Mizoram Baptist Kohhran Administrative Committee Online
Meeting chuan kohhran chhungtin te a rual tlanga tawngtai hona neih tha a ti a. Hemi hun atan hian March 29, 2020 (Pathianni Zan) dar 7 a ruat a, he programme pawimawh tak hi kohhran chhungkaw
tin ten ngaipawimawha hmang theuh tur in kan in ngen e. (Download PDF Document)

Tawngtai thupui te:

1. BCM thawktu zinga he natna tuar mek Rev. VL Hruaia Khiangte, tuna Zoram Medical College, Falkawn-a enkawl mek, alo dam chhuah leh ngei theih nan leh a nupui fanau leh a chhung te tan.

2. Mizoram Health & Family Welfare Minister Upa Dr. R. Lalthangliana leh Health lama thawktu, he natna dona leh enkawlna kawnga inhmang zawng zawng te tan.

3. Mizoram – State Level, District Level leh Local/Village Level Task Force te tan.

4. He natna hi Mizoram ah a lo darh zel loh nan.

5. Lockdown kalpui a nih chhunga Mizorama chhuanchham kan awm loh nan.

6. Lockdown kalpui a nih chhung hian Kohhran chhungkaw tin ten Pathian pawlna tha leh hlawk zawk kan neih theih nan.

7. Khawvel ram hrang hranga Covid-19 vei te leh enkawl tu daktawr, nurse leh thawktu dang te tan.

8. Covid-19 venna (vaccine) leh damdawi (medicine) scientist ten an hmuhchhuah thuai theih nan.

9. Covid-19 avanga thi chhung te tan.

10. Khawvel ram hrang hrang sawrkar hruaitu ten he hun khirh tak kara rorelna fel tak an neih theih nan.

11. Covid-19 avang hian khawvelin Kristian te Pathian hi, Pathian Tak, Nung leh Thiltithei a ni tih a lo hriat theih nan.

 

Sd/- F. RAMDINMAWIA
General Secretary,
Baptist Church of Mizoram
Dated: 27th March 2020

(Download PDF Document)