Kohhran hoten Inkhawm an tan leh thei dawn ta.

Covid-19 avanga nikum (2020) March ni 22 atanga Pathian Biak Inkhawm neih theih tawh loh chu, hun engemawchen hnuah tunkar Pathianni, February ni 7,2021 atang hian Pathian Biak Inkhawm neih theih a ni leh dawn ta.

Sawrkarin inkaihhruaina leh phal chin a siam angin, Biak ina thutna awm zat atanga, za zel a, sawmnga chin inkhawm hi phal rih phawt a ni a, tin, Pathianni chhun lama neih tur a ni bawk. BCM Administrative Committee chuan hemi chungchang hi ngaihtuahin Inkhawm chungchanga thutlukna chu Sawrkar inkaihhruaina leh phal chin zulzuia siam tur leh Inkhawm leh inkhawm loh thu pawh  Tualchhung Kohhran rorelna kutah a dah a ni.

Hriat theih chinah tualchhuang kohhran tam tak in inkhawm chhawk turin ruahmanna a siam a, Kohhran thenkhatah chuan Sunday school pawh kal nghal tura ruahman a ni. Hetih lai hian khawpui lian leh kohhran lian zual thenkhatah erawh chuan tun dinhmunah chuan “inkhawm hi la neih rih loh mai ni se, kan hun tawng a zira ngaihtuah that ni se,” ti a thutlukna siam an awm bawk.