KOHHRAN MIPUITE HNENA NGENNA

Rev. F. Ramdinmawia, G.S

Khua a lo thal leh tain kangmei laka inven kan mamawh leh ta hle mai a. Lunglei District Fire Prevention Committee-in min beisei angin kangmei chungchanga fimkhur turin kohhran mipuite kan in ngen a ni. Siamtu Pathianin kan ramngaw, thing leh mau leh nungcha tinrengte kawng hrang hranga suatna ber kan rama kangmei chhuak thin tihtawp hi siamtu Pathian laka kan bat a ni tih kan hriat tlan theuh hi a pawimawh em em a ni.

Thing leh mau te hi kan nunna hn^r, boruak tha te, tui tlan turte leh ni tina kan khawsakna kawnga kan mamawh tinreng min petu an ni a, kan ramngawte tikang lo tura theihtawp chhuaha hma la theuh turin kan inngen a ni.

Ram kang laka kan lo fihlim zawk nan Mizoram sawrkar chuan Lo leh Huan vat te chu March ni 15 hma ngeia hal vek turin thupek a chhuah a. He thupek hi lo leh huan hal tur neite chuan zawm theuh turin kan inngen a, meilam pawh tha taka sial turin kan in ngen e. Sawrkar chuan kangmei tichhuaktu leh kangmei chungchanga sawrkar thupek zawm lote chungah chuan zahngaihna lantir a tum dawn lo va. Chuvangin, kohhran mipuite pawh fimkhur theuh turin kan inngen bawk a ni.

Ramngaw kan ti kang lo a nih chuan keimahni tan bakah kan tu leh fate tan ram kan humhalh tihna a ni. Ram tikangtu chuan ram hm>l a ti bal a, ram hmelma a ni.

Kangmei laka kan lo fihlim nan mipuite fimkhur theuh ila, kangmei chhuak tur ven chungchangah pawh theih tawp chhuaha hma la theuh turin kan inngen nawn leh a ni e.

Sd/- Rev.F. Ramdinmawia
General Secretary
Baptist Church of Mizoram