Kohhran Upa Exam 2020 tluang taka neih a ni.

Vawiin, August 7, 2020 (Zirtawpni) khan Mizoram Baptist Kohhran chuan Pastor bial tinah bialtu pastor-te kaihhruaina-in Kohhran Upa Exam a buatsaih a. Tualchhung Kohhran hrang hrang atangin Kohhran Upa atana thlan thar mi 150 report dawn a ni a. Chanchin kan ziak lai hian engzat nge exam kan hre hman ta lo a ni.

Heng Kohhran Upa Exam result hi September thla-ah tihchhuah a ni ang a. Kum dangah chuan Kohhran Upa exam paltlang te hi an awmna ABC (Area Baptistr Council) Inkhawmpui, Pathianni zing Inkhawmah Kohhran Upa atan nemngheh (Ordain) an ni thin a.

Kuminah erawh chuan Administrative Committee thu chhuak angin, Covid-19 hrileng avangin ABC Inkhawmpui hi neih loh ni se, Kohhran Upa Ordination chungchang pawh ABC Executive-in tha a tih ang leh an remchan angin ruahmanna lo siam se a ti a. ABC hrang hrang ten Upa Ordain dan tura ruahmanna an siam angin kalpui a ni ang.