Kohhran Upa Exam Result 2020 tih chhuah a ni ta.

Vawiin, September 9, 2020 Chhun Dar 12:00 khan Mizoram Baptist Kohhran, Upa Exam Board chuan Kohhran Upa Exam Result-2020 chu tihchhuah a ni ta.

Kohhran Upa Result tihchhuahna Inkhawm tawi, Sap Upa leh Pu Buanga Hall, Serkawn-a buatsaih hi Rev. C. Chhuntluanga, Pastoral Co-ordinator–in a kaihruai a, Rev. F. Ramdinmawia, General Secretary-in Result a puan zawhah, Coordinator-in Report tlangpui a pe bawk.

Pastoral Coordinator-in report-a a tarlan danin kuminah hian Kohhran Upa atana Tualchhung Kohhran-in an thlan, Upa Exam tura in report zawng zawng hi mi 150 an ni a, mi 9-in exam an ti thei lo va, exam beitu mi 141 te hi an vaiin an passed vek thu leh, Exam passed zinga pakhat chu nemngheh hun thleng zo lo a Chatuan ram pan a awm thu a tarlang bawk. Result pumpui khaikhawm-ah hian mi 53-in ‘O’ Grade hmu-in, mi 63-in ‘A’ Grade an hmu a, B Grade 24 leh C Grade-ah mi 1 a awm a ni.

Pastoral Coordinator-in report tlangpui a sawi zawh-ah Rev. R. Lalbiakliana, AGS Service-in lawmthusawi tawngtaina neiin inkhawm a khar.

Kum dangah chuan Kohhran Upa Exam passed te hi an awmna Area Baptist Council(ABC) inkhawmpui-ah Ordination Service buatsaihin, ordain (nemngheh) an ni thin a. Kuminah erawh chuan hri leng avangin ABC Inkhawmpui neih a ni dawn ta lo va. Chuvangin ABC Executive Committee theuh-in an ABC chhungah remchang leh tha an tih angin Kohhran Upa nemngheh dan tur an ruahman angin an kalpui dawn a ni.

Mizoram Baptist Kohhran hi Area Baptist Council (ABC) ah then a ni a, Pastor bial 88 awmin, Tualchhung Kohhran 663 an awm bawk.  BCM Statistical Handbook – 2019-2020 in a tarlan danin tun dinhmunah BCM hnuaiah Kohhran Upa 3304 an awm a, heng exam passed tharte hian nemngheh an nih hnu-ah an belh leh dawn a ni.