Kohhrante hnena Ngenna

June 11, 2017 hi “Green Mizoram Day” a ni a, amaherawhchu he Ni hi Pathianni a nih avangin June 9, 2017(Zirtawpni)-ah hman turin Mizoram Sorkarin a ruahman a. Lunglei Disstrict Green Mizoram Committee Secretary – H. Lallianmawia, DFO Lunglei chuan Green Mizoram Day denchhen a Kohhran ten theihtawpa hma lakpui tur leh theih anga tam thingphun leh nungcha leh ramngaw humhalh kawnga infuih thar turin Mizoram Baptist Kohhran min rawn ngen a.

Hun a tepter tawh avangin hemi ni-a hmang thei lo te pawhin Bial huap/Tualchhung Kohhran leh Fellowship hrang hrang ten kan hmazawn theuh-ah kan remchan dan anga Kohhran member ten thinphun pawimawh zia te, Pathianin duh taka a siam ‘Nungchate leh an chenna ramngawte humhalh leh kangmei laka venhim a tul zia te an hriat thar leh theih nan inzirtir thar leh turin kan in ngen a.

Kan remchan angin Kohhran Inkhawm thusawi-ah te, Fellowship hrang hrang programme-ah te kan zeh tel theih chuan a lawmawm hle ang. Tin, Kohhran angin emaw, Fellowship hrang hrangte pawhin Biak In Compound leh hmun remchang dangah te pawh kan theih anga tam thing phun a, enkawl zui turin kan in sawmin kan in chah a ni.

Thing leh mau, Ramngaw leh nungchate humhalh leh enkawl hi Ringtute mawhphurhna leh Pathianin thilsiamte enkawl tura mawhphurhna min pek a ni tih i hre thar fo ang u.

Kohhran leh Pawl anga thingphun tur duh tan Divisional Forest Officer, Lunglei hnenah emaw, kan awmna bialtu Range Officer te hnenah ngaihven thei a ni e.

Sd/- Rev.F. Ramdinmawia
General Secretary

Posted in BCM News.

Leave a Reply

Your email address will not be published. Required fields are marked *