KOHHRANTE HRIATTIRNA

National Council of Churches in India (NCCI)chuan October 2, 2017 (Thawhtanni) khi India ram pum huapin “Tawngtai khaidiat neih ni se”, tiin a rêl a. He mi ni hian zîng dâr 6 – zân dâr 7 thleng tawngtai Programme a siam a, Kohhran hrang hrangte hun hman dân tûr pawh a bithliah fel nghâl vek a ni. Mizoram Baptist Kohhrante chuan hemi ni hian zîng tawngtai inkhâwmah thupui hmang hian tawngtaina hun hman mai ni se, tiin rêl a ni. Tualchhung kohhran tinin hei hi zawm theuh kan tum dâwn nia.
Tawngtai thupui:
1. India ram hmun hrang hranga tui lian avânga tuartute tân.
2. India ram hmun thenkhata khawkhêng avânga tuartute tân.
3. India rama loneitu harsatna hrang hrang avânga leiba rul thei lo rilru hah taka awm mêk te tân.
4. Ram dang mi inhumhimna duha rawn pêm lût, a bîkin tlâng mi (Tribal) te nun himna tûrte, ei leh in tûr an neih theih nân leh an lo kalna ram buai tân.
5. India rama inhmuhsitna leh hleih nei taka rorêlna tuartu Dalit hnam te tân
6. Sakhaw tenau tihduhdahna leh nêksâwrna tuar mêkte tân.
7. India rama hmeichhiate chunga hleilenna a lo reh theih nân.
8. India rama |halaiten rilru fel tak pua nun kawng dik an zawh zêl theih nân.
9. Rawlrâla chêtna leh inrîkrâpna a lo reh zêl theih nân
10. Chi inthliarna leh inhumhalh duhna avânga buaina a lo reh deuh deuh theih nân.
11. Boruak thianghlim a awm zêl theih nâna ramngaw leh nungcha tihchereu a lo tlêm zêl theih nân.
12. Piangsual, Rualbanlo leh AIDS natna tuartute leh an chhûngte tân.

Sd/- REV. F.RAMDINMAWIA
General Secretary
Baptist Church of Mizoram

Posted in BCM News.

Leave a Reply

Your email address will not be published. Required fields are marked *