Krismas leh Kumthar Inkhawm TV leh YouTube kaltlanga pek chhuah a ni dawn.

Revival & Evangelism leh Communications Department ten an buatsaih Krismas leh Kumthar Inkhawm TV leh Youtube kaltlanga pekchhuah tur chu inbuatsaihna zawh fel a ni ta a, he inkhawm ah hian BCM recognised evangelist te leh Pastor ten thuchah sawi in, Zaipawl leh Zaithiam tak tak ten Pathian fakna hun an hmang dawn a ni.

Krismas Inkhawm hi December ni 18 atanga ni 27 thleng neih a ni ang a, Kumthar inkhawm hi December ni 28 atanga January ni 9, 2021 thleng neih a ni ang. Zantin dar 6 ah ZONET Rinna leh BCM YouTube Channel  (Baptist Church of Mizoram) ah pek chhuah a ni ang a, dar 8 ah LPS 12 Khawnvar Channel ah te pekchhuah a ni bawk ang. Zan lama chhuak hi a tuk chhun lamah pawh a chhuahna Channel ngai ah chawhnu dar 1 leh dar 2 ah te pek nawn zel a ni bawk ang.
He Inkhawm hi Mizoram Baptist Kohhran zawng zawng ten kan lo chhim atan buatsaih a nih angin BCM headquarters hruaituten Tualchhung Kohhran tinte leh Kohhran member zawng zawng te ngaipawimawh a lo zawm theuh turin min ngen a ni.