Kristian Chhungkaw Chawlhkar hmang dawn

Mizoram Baptist Kohhran chuan kum dang ang bawkin “Kristian chhungkaw Chawlhkar” chu May 11-17, 2020 chhung hian a hmang leh dawn a; Headquarters atangin hemi chawlhkar-a chhungkaw tin thu zir tur a buatsaih angin hman a ni ang.  Kumin hian zirlai panga (5) ; Thawhtan zan, Thawhleh zan, Nilai zan, Ninga zan leh Zirtawp zan te a zir tur buatsaih a ni.  Kumin thu zir tur hi  Rev. H. Vanlalruata ziak a ni.

Kumin-ah hian Covid-19 hrileng avanga ram pumah lockdown kalpui mek a nih avangin a Inkhawm leh inpawlho kan neih thin te tih tawp lailawk a ni a,  chuvangin kumina Kristian Chhungkaw Chawlhkar hun chhunga Nilai zan, Pathianni zing leh Pathianni zan hun te, Inrinni zan Kohhran Tawngtai Inkhawm hun te pawh ruahman sa angin kan hmang thei dawn lo va.

Amaherawhchu heng hunah pawh hian Kristian chhungkaw puala thupui thlan sa te hmanga inkhawm  leh Tawngtaihona hmang thei kan awm chuan a lawmawm hle ang. Pathianni zing leh Pathianni zan  pual hian BCM Youtube Channel leh Cable TV- kal tlangin thupui thlansa hmang hian Sermon buatsaih tum a ni bawk.

Date Day Zirlai Thupui
May 11 Thawhtan 1-na Chhungkua
May 12 Thawhlehni 2-na Chhungkaw nghet leh tlo innghahna
May 13 Nilaini 3-na Chhungkaw nghet leh tlo ni turin inpumkhatna
May 14 Ningani 3-na Chhungkaw nghet leh tlo ni turin hun i pe ang u
May 15 Zirtawpni 4-na Chhungkaw hlim I din ang u
May 16 Inrinni Tawngtai Inkhawm
May 17 Pathianni zing Sermon Isua awmna In (Ni Pawimawh progamme)
May 17 Pathianni zan Sermon Chhungkuaa Pathin rawngbawlna (Chhungkaw nghet leh tlo)