Kum 2016 chhungin ringthar 4856 nei

Mission Map small_halfMizoram Baptist Kohhran, Mission Department report-in a tarlan danin kum 2016 January – December thleng khan Mission Field hrang hrang atanga Ringthar neihzat belhkhawm chu 4856 niin, Kohhran thar 28 leh Fellowship thar 35 din a ni bawk. Report hi Mission Field thenkhat atangin a lut kim thei lo va, tin, Foreign Mission Field thenkhat chu fimkhur thil avangin Ringthar report remchang lo leh Kohhran anga din remchan lohna hmun a awm nual bawk ani. Hetiang hi kum 2016 chhunga Mission Field report leh Missionary kan neih dan chu a ni:-

MISSION FIELD REPORT JANUARY TO DECEMBER 2016

SL.NO MISSION FIELD RING THAR KOHHRAN THAR FELLOWSHIP

THAR

A Mizoram
1. Chakma Mission 254
2. Bru Mission 200 9
3. Non-Mizo Mission 176
B India
1. Tripura 1855 16
2. MP & MS 40
3. Arunachal East 397 1 1
4. Arunachal West 269
5. Arunachal Far East 210
6. Assam 135
7. Bengal 160 1 3
8. North India Mission 682 5
9. Jharkhand 183 3
10. Andaman 24
11 Good News Mission 106 3 5
C. Foreign
1. Nepal 62 1
2. Bhutan 19
3. Miria,Bangladesh 79 6 9
4. Thailand 5
5. Ghana, W.Africa
6. Kenya, E.Africa
7. Bandung, Indonesia
8. Phonm Penh, Cambodia
9. Arakan, Myanmar
TOTAL 4856 28 35

BCM hnuaia Mission worker zawng zawng zat:

1.Missionary nghet : 324
2.Missionary Nupui : 171
3. Native worker zat : 294
4. Casual worker/Fixed : 101
5. Pawlho chawm Missionary : 132
4. School Support Missionary : 218
7. Recognized Missionary : 22
Total Worker               : 1264

 

MISSIONARY DAY 2017 (JANUARY 11,2017)

Missionary hmasa ber ni tûrin Pu Buanga leh Sâp Upa-te chuan January 11, 1894 khân Mizoram leilung rawn rapin Sairang, Mizoram an rawn thleng a. Zofate tân ni chhinchhiah tlâk tak niin kan la hmêlhriat ngai loh Kristianna leh Isua Chanchin Tha chu kan hnênah hriattîrin a lo awm ta a ni. Pathian hnathawh mak tak mai lo lang chu Zofaten chhâng lêtin reilote chhûngin Mizote chu Lal Isua Krista hnung zuitu kan lo ni ta a ni.

Vawiin January 11, 2017 a lo thlen hian Chanchin Tha mi tin ta a nihzia chu lang zêlin Zofate chu chawikânin kan awm a. Thing bul, Lung bul be thîn kha Pathian Nung betu kan lo ni ta a nih hi. Chumai ni lovin  Chanchin Tha pe chhuaktu-ah kan lo tang ve zêlte hi a ropuiin a va hlu tak êm! Kan tâna thil hlu tak tak kan missionary-ten min hnuchhiah a, hnam anga kan lo inhlâwm khâwm dânte hi chhûtin thil ropui tak min tih saktu tân hian thil ropui tak ti ve zêl tûrin rilru thar nên vawiin atang hian i inbuatsaih leh teh ang u.

Missionary Day hi Mizoram Kohhran lian pahnih Presbyterian leh Baptist-te chuan Mizoram Gospel Centenery tiin Ropui tak leh hlim takin 1994-ah kan lo lâwm tawh a nih kha. Vawiin kan Pioneer Missionary-te lo thlen champha vawi 123 min hruai thlengtu kan Pathian Engkimtitheia hi fak leh chawimawiin awm zêl se la. A Chanchin Tha mi tin ta tûr a nih ang hian la hre ve lote hriattîr hi kan Lal Isua rilru a ni tih hriain i puang zêl ang u.

Zofate tâna ni chhinchhiah tlâk ‘Missionary Day’ hi kan ram Sorkâr pawhin sorkârchawlh atân a puang a, a lâwmawm takzet a ni. Zofate khawvêla kan awm ve chhûng chu tihdanglam tawh loh ni se a va tha êm! He ni ropui takah hian zofaten Chanchin Tha malsâwmna kan dawn ang la dawng ve lo sâng tam takten malsâwmna an lo dawn ve theihna tûrin inhlân thar zêl ang u.

Hlim taka Kan Pathian chawimawina ni atân leh amah fak leh inhlan tharna ni atân kohhranho ten hmang theuh ang u.

Related Links:

Missionary Day 2017

Missionary Day 2017-Programme