Kum 2022 atan Mizoram Baptist Kohhran Office leh Book Room te Dawr theiha hawn a ni leh ta.

Nimin, January 7, 2022 (Zirtawpni) atang khan Mizoram Baptist Kohhran chuan Headquarters Office Serkawn, Executive Secretary Office Aizawl leh Lawngtlai ami te chu kum thar 2022 atan  hawng-in hna tan a ni leh ta a.

BCM Headquaretrs Office, Serkawn-ah chuan kum 2022 atana Office kai ni hmasa berah hian General Secretary, Rev. F. Ramdinmawia’n devotions hun hmangin thawktu te kumthar chibai bukna leh duhsakna a hlan a. Kum thar damtlang taka hruai thlengtu Pathian hnenah lawmthu sawiin  kum thar-ah rilru thar leh inpekna thuk zawk nena Pathian rawngbawl zel turin a sawm a,  tawngtaihona neih a nih hnu-ah office hna pangngaia thawh tan nghal a ni. Office hawn a nih rual hian Mizoram hmun hrang hranga BCM Book Room te pawh dawr theiha hawn a ni bawk.

BCM-a thawktute hian kum tina an tih thin angin, January 10, 2022 (Thawhtanni) khian Inhlantharna Hun an hmang dawn a. Headquarters Area – Lunglei chuan BCM Office-ah an hmang ang.  Aizawl Area leh Lawngtlai Area te pawhin hemi ni vek hian Inhlantharna Programme hi hmangin, Mission Field hrang hranga thawktute pawhin an remchan angin Field Headquarters-ah te Inhlantharna hun hi an hmang bawk dawn a ni.

Headquarters-a Inhlantharna Programme tlangpui hetiang hi a ni:

THAWKTUTE INHLANTHAR  NI  PROGRAMME
10th January 2022 (Monday) @ 11:30 a.m
BCM Hall, Headquarters Office, Serkawn

Hruaitu : Pu Lalruatkima,  Administrative Officer
Bible chhiar leh Tawngtai : Pi Vanlalthlengliani,
Principal, School of Nursing
Inchhiarna : Hruaitu
Thawktute fuihna : Rev. F. Ramdinmawia,
General Secretary
Pathian Thuchah : Rev. R. Lalbiakliana, AGS (Service)
Special Song : a) HATIM

b) Baptist English School, Serkawn

Malsawmna : Rev. Dr. C. Vanlaldika,  AGS  (Mission)