Lalmuanpuia, BHSS Junior Section, chu National Award a dawng tura thlan a ni.

Department of Science and Technology (DST), Government of India leh National Innovation Foundation-India (NIF) ten kum tina an buatsaih thin INSPIRE Awards MANAK scheme hnuaia 8th National Level Exhibition & Project Competition, NLEPC 2021-ah Mizoram atangin zirlai panga (5) an tel a. An zingah hian C. Lalmuanpuia,  Baptist Higher Secondary School, Junior Section, (tuna Class X ni mek), Pu C. Lalramdina Serkawn fapa Lunglei District chu idea tha zual thlitfim 60 zingah telin National Award dawngtu zingah hian thlan a ni.

National Level Exhibition & Project Competition Vawi 8-na (NLEPC 2021) hi Covid-19 hripui leng avangin biak hmuhtheihna kaltlang in ni September 4 – 8 2021 chhunga buatsaih a ni a. India ram pum atangin zirlai naupang ideas nuai 3.92 lakkhawm niin, a tha zual 581 ten National Level intihsiak hi an hmachhawn leh a ni.

Kumin hi Mizoram atanga National Award lawmman an dawn vawi khatna a ni a, C. Lalmuanpuia hian a project atan “People Powered Escalator” tih a hmang a, step-a mihring kalte rihna in step a ti vir a, chu chuan electric thahrui a siamchhuak a, chu chu thil danga tangkai zawk a hman theih tura lo khawl khawm a tum a ni. He Award hian certificate, trophy leh pawisa fai a keng tel a ni. Hei bakah hian a guide teacher Isac Lalruatfela, Teacher Baptist Higher Secondary School pawhin zirtirtu tha lawmman a dawng bawk a ni.

Src: DI&PR website : https://dipr.mizoram.gov.in/post/inspire-awards-manak-dawng