Lawngtlai-ah Live Crusade neih a ni dawn.

Mizoram Baptist Kohhran, Lawngtlai Area chuan June 4-6, 2021 chhung hian TV leh Youtube kal tlang-in Live Crusade an buatsaih a.  Thupui-ah “Ngawi u la, Pathian ka ni tih hi hre rawh u” Sam 46:10 tih thu hman a ni ang.

He Programme hi  Lawngtlai-a Cable TV pahnih, KT Vision (Sensiar) leh SkyNet (Devotional) bakah BCM Youtube Channel ‘Baptist Church of Mizoram”-ah Zirtawpni zan dar 8:00, Inrinni zan dar 8:30, Pathianni zing dar 11:00 leh Pathianni zan dar 8:00-ah Live-a pek chhuah a ni ang.

He Live Crusade-ah hian Speaker pali an awm dawn a.  Rev. R. Lalnunzira, Executive Secretary Lawngtlai Area-in Zirtawni zan-ah thuchah a sawi ang a, Inrinni zan-ah Ram pum huap Covid puala tawngtaina neih zawh hnu, dar 8:30-ah Live Programme hman chhunzawmin, Rev. H. Lalremtluanga, Lawngtlai North Bialtu Pastor-in thuchah a sawi ang a, Pathianni zing dar 11:00-ah Rev. K. Laldosanga, Lawngtlai South Bialtu –in hun hmangin, Rev. Lalzarliana Khiangte, Lawngtlai East Bialtu Pastor-in Pathianni zan-ah thuchah a sawi thung ang.