Lawngtlai Area ṬKP Coordintaion Committee (LAṬKPCC) 2022- 2023 hruaitu thlanna leh Bial leh Unit thisen pe ṭha lawmman semna neih a ni.

January 26, 2022 (Nilaini) khan Lawngtlai Area Ṭhalai Kristian Pawl Coordinaion Committee (LAṬKPCC) 2022- 2023 (kum 2 atan) hruaitu thar thlanna J.H. Lorrain Hall, Baptist House Lawngtlaiah ah neih a ni a, hengte hi LAṬKP Coordination Committee hruaitu thlan tharte an ni.

Chairman:
Pu Joseph Lalhmingthanga Chinzah, Lawngtlai North Pastor Bial

Vice Chairman:
Rbt. Elvis Lathangzuala, Lawngtlai East Pastor Bial

Secretary:
Pu Rohluzuala Chhakchhuak, Lawngtlai South Pastor Bial

Asst Secretary:
Pu Teddy Lalrinliana Aineh, Lawngtlai North Pastor Bial

Treasurer:
Rbt. N. Rosangliana, Lawngtlai East Pastor Bial

Fin. Secretary:
Tv. B. Vanlalduatpuia, Lawngtlai South Pastor Bial

Senior Adviser:
Upa T. Vanlaldika, Lawngtlai East Pastor Bial

Senior Adviser dang pakhat hi Area Development Committee Lawngtlai-in a ruat sak bawk ang.

Inthlanna hi Rev. R. Lalnunzira, Executive Secretary, Rev. H. Lalremtluanga, Lawngtlai North Bialtu Pastor, Rev. Lalzaraliana Khiangte, Lawngtlai East Bialtu Pastor te’n neihpui in, inthlanna neih hnuah Charge inhlanna hun hman chhunzawm nghal a ni a, Rev. H. Lalremtluanga, Lawngtlai North Bialtu Pastor-in hruaitu tharte tan ṭawngṭaisakna hun a hmang a ni.

Hemi ni vek hian Lawngtlai Area chhunga Bial leh Unit ṬKP thisen pe ṭhate pualin lawmman semna hun hman nghal a ni a, LATKP Coordination Committee Chairman Rbt. Elvis Lalthangzuala’n he hun hi a kaihruai a.

Kum 2021 chhung khan Area TKP chhung a Pastor Bial leh Unit-te hian Blood Donation Camp vawi 22 buatsaihin thisen unit 399 an pe a, ṬKP Nazareth Unit-in thisen unit 43 pe in lawmman pakhatna an dawng a, ṬKP Thingkah Unit-in thisen unit 42 pein lawmman pahnihna an dawng a, thisen unit 30 petu ṬKP Bethani Unit leh ṬKP College Veng Unit te’n lawmman pathumna an dawng thung a ni.

Bial ṬKP-ah hian ṬKP Paithar Pastor Bial-in unit 51 pein lawmman pakhatna an dawng a, ṬKP Mampui Pastor Bial-in thisen unit 35 pein lawmman pahnihna an dawng a, unit 33 petu ṬKP Bungtlang South Pastor Bial te chu lawmman pathumna dawngtu an ni bawk.

Lawmmante hi tangka fai niin Rev. Lalzarliana Khiangte, Lawngtlai East Pastor Bial-in a hlan a ni.