Lawngtlai Area-a Kohhran ten Myanmar raltlante tanpuina Rs. 3,70,000/- Central YLA hnenah an hlan

October 20, 2021 (Nilaini) khan Area Development Working Committee Lawngtlai hmalakna in, Lawngtlai Area chhunga tualchhung Kohhran hrang hrangte sum thawhkhawm Rs. 3,70,000/- chu Central Young Lai Association (CYLA) hruaitute hnenah hlan a ni. 

Myanmar ral tlante ṭanpuina hlana hun hi Executive Secretary Office-ah neih a ni a, Lawngtlai Area Development Working Committee Chairman Rev. K. Laldosanga’n a kaihruai a, Executive Secretary Rev. R. Lalnunzira hnen aṭangin Myanmar ral tlante tana BCM luan chhuah tawh dan tlangpui leh hma lak tum dante report ngaihthlak niin, tun dinhmuna BCM-in ral tlante tana ṭanpuina a pek tawh hi Rs. 18,28,550/- (Nuai 18, sing 2, sang 8 za 5 sawm 5) chuang a nih tawh thu a tarlang.

Thilpek hi Central YLA aiawh in Pu H. Lalrindika, Secretary CYLA leh Pu HC. Lalruatpuia President CYLA, ten an dawng a ni.