Lawngtlai Area TKP Meet 2020 Logo tlangzarh

November 8,2019 (Zirtawpni zan) khan Lawngtlai Area Ṭhalai Kristian Pawl Meet 2020 Logo tlangzarhna leh he meet lo awm tur puala fehchhuahna hun hman a ni. Lawngtlai Town chhunga ṬKP member eng emaw zat an tel thei a ni.

LAṬKP Meet 2020 Logo hi Upa T. Lalhlimpuia, Venglai Lunglei design niin, Rbt. H. Lalrinngheta, Secretary LAṬKP-in tlangzarhin thusawina hun a hmang nghal bawk a ni. LATKP Meet hi nakum February 21-23, 2020 chhungin BCM Biak In, Electric Veng Lawngtlai-ah neih a ni dawn a, thupui “Ka chakna Lalpa” tih a ni ang. Lawngtlai Area-ah hian ṬKP bial 17 awmin, Unit 84 a awm a, ṬKP member 7152 an awm mek a ni.  Logo tlangzarh leh Fehchhuah programme-ah hian Lawngtlai Town chhunga bial pathum aṭangin zaithiam tak tak zai ngaihthlak a ni a, LAṬKP hruaitu hluite leh bial hrang hrang aṭanga lo chhimte aṭangin thusawi ngaihnawm tak tak ngaihthlak a ni bawk.

LATKP Meet 2020: Logo release function

Lawngtlai Area ṬKP Meet 2020 pual hian Organising Committee din niin, sub-committee hrang hrangah ṭhen a ni a, Spiritual Concern, Information & Publicity, Refreshment, Sanition, Light and Sound-ah te inṭhen sawmin, Inkhawmpui hlawhtling tak neih a nih theih nan nasa takin hma an la mek a ni. Meet pual hian Budget cheng nuai hnih leh sing nga ruahmanin, hei hi an tlin tawh bawk a ni.

Posted in BCM News.

admin

Leave a Reply