Lawngtlai East Pastor Bial ten Account Training nei

February 1, 2020 (Inrinni)khanLawngtlai East Pastor Bial, Bial Executive Committee thurel bawhzuiin an bial chhunga Kohhran hrang hranga Account vawngtute pualin BCM Biak In, Immanuel ah Account training an buatsaih.

He hun hi Upa Lalthawmmawia, Bial Audit Convener in kaihruai in, Tualchhung Kohhran hrang hranga Account vawngtu te leh Fellowship leh Department hrang hrang account vawngtu kalkhawm te chu account vawnna kawngah hmasawnna an neih ngei theihna turin duhsakna hlanin a fuih a.Resource Person Upa F.Ngurkhuma, Lawngtlai East Bial Treasurer in account vawn chungchanga hriat tur pawimawh tak tak te zirtirna a pe thung a ni. Resource person hian,”Account vawngtu chuan uluk takin account a vawng tur a ni a, rinawm hle a ngai a ni. Mi thatchhe tan uluk taka vawn a harsa a, chuvangin taimak kan chhuah a ngai hle dawn a ni,” a ti.

 

Lawngtlai East Pastor Bial ten Account training an buatsaih ah hian account vawngtu mi 45 an tel thei a ni.