Lawngtlai North Bial TKP-in ‘Environment humhalh’ inzirtirna video clip intihsiak lawmman an sem.

Ṭhalai Kristian Pawl Lawngtlai North Pastor bial chuan kum 2019-20 chhungin, bial chhunga unit hrang hrangte inelna turin ‘Environment humhalh’ kawnga inzirtirna video clip siam intihsiakna a buatsaih a, video clip sei zawng hi minute 5 niin, he intihsiakna ah hian bial chhunga unit hrang hrangte’n tihlawhtlingin, ṬKP Salem Unit- chu pakhatna niin pawisa Rs 5000/- leh thuziak (Citation framed) hlan an ni.

‘Environment humhalh’ video clip siam intihsiakna hi thupui pahnih hmanga buatsaih a ni a, Ramngaw humhalh tih leh Nungchaw humhalh tih te an n.  Pakhatna lawmman latu ṬKP Salem Unit-te hian ‘Ramngaw humhalh’ tih thupui hmangin, video clip hnuhnawm leh zirtirna awmze nei tak an buatsaih a ni. ṬKP Lawngtlai North Pastor Bialah hian unit panga an awm a, Member 938 awmin, mipa 606 leh hmeichhia 332 an awm a ni.