Lunglei North Bialtu MLA -in  Chhawmdawlna In leh BCO tanpui

Bialtu MLA-in BCO leh CDI tanpuina a hlan

Lunglei North bialtu MLA Dr. Vanlaltanpuia chuan a bial chhung hmun hrang hrang ah lockdown avanga chhawmdawl ngai te buaipui in buhfai leh thil dang te sem in hun a hmang mek a, April 22, 2020 khan bialtu MLA hian a bial chhung ami BCM nau hnuchham enkawlna (Baptist Church Orphanage) leh MBKHP Chhawmdawlna In Melte  te tan pawh buhfai hi a pe a ni.

Thilpek te hi BCM Headquarters Office-ah hlanin BCM General Secretary leh thawktu ten an lo dawngsawng a ni.

Chhawmdawlna In Melte hian Tun hnaiah Minister Pu C. Lalrinsanga hnen atangin cheng sing khat an dawn bakah Misoram sorkar, Disaster Management & Rehabilitation Department atangin Rs. 10245 leh buhfai qtl 1 an dawng a, Horticulture Department atangin tanpuina Alu bag -1, Bawnghnute case khat leh chawhmeh thlaihring an dawng bawk.