Lungleia Covid Care Centre hrang hrang ah rawngbawlna an nei.

BCM Recognised Team, “Team Logos” te chuan June 1 aṭang in Lunglei-a Covid Care Centre (CCC) leh Community Covid Care Centre (4C) ah te Speaker Rbt Andrew Lalhmachhuana Fanai  hovin rawngbawlna an nei thin a. Heng Covid Care Centre ah hian Pathian hnena inhlanna (devotions) ang a hun hmang in, thuchah tawi sawi, zaia rawngbawlna leh damlo te tana tawngtaisakna te neia hun hman thin a ni.

Logos Team te hian an kalna tur Centre hi thuang hnihah thenin Thawhtanni, Nilaini, leh Zirtawp ni-ah Zobawk PHC (CCC), Mizoram Polytechnic (CCC) leh SAI Hostel, Electric Veng (4C) –ah te rawngbawlna an nei a. Thawhlehni, Ningani leh Inrinni-ah te SIRD CCC, Eklavya CCC leh Observation Home CCC ah te an kal a, Pathianni-ah Centre hrang hrang an tuam chhuak leh thin a ni.

Hetiang programme hi nikum lamah khan BCM Recognised Team thenkhat te pawhin an lo hmang tawh a. Tun tumah pawh hian Lunglei DC hnen atanga ruahmanna leh phalna la in rawngbawlna hi an nei leh ta a ni. Rawngbawlna hlawk tak an neih theih nan Kohhran hote pawhin theihtawpa lo tawngtaipui thin turin an sawm a ni.