Lungsen Pastor Bial-in Myanmar Raltlante chhawmdawlna an pe.

Tunkar Thawhtanni, November 8, 2021 khan Lungsen Pastor Bial chuan an bial chhung, Phairuangkai-a Myanmar Raltlante chhawmdawlna an pe. Heng chhawmdawlna an pek hi kohhran ten an thawh khawm, thawmhnaw, mutbu, bufai leh chawhmeh bakah choka bungraw hrang hrangte leh pawisa fai Rs. 6,710/- a ni. Heng chhawmdawlna te hi Lungsen Bial vawngtu Rev. C. Lalremmawia leh bial hruaitu ten Phairuangkai-ah an hlan.

Phairuangkai a raltlante hi a theih ang angin Phairuangkai khawtlangin an din Refugee Relief and Monitoring Committee ten an chhawmdawl thin a, Tun tuma Lungsen Pastor Bial ten chhawmdawlna an pe chu lawmawm an tih thu an sawi.