MBF Meeting

Mizoram Baptist Federation (MBF) chu vawiin March 17, 2017 hian BCM Committee Hall, Serkawn-ah an thukhawm. He Meeting-ah hian Federation in Inkaihhruaina Dan ennawn leh MBF General Conference  neih dan tur te bakah Budget 2017-2018 an ruahman bawk. Meeting hi MBF Chairman Rev. Lalthangliana Hnamte-in kaihruaiin Rev. C. Hrangzuala, MBF Secretary-in Report a pe.

MBF Meeting 2017

Meeting chuan Kum 2017-2018 Budget atan Rs. 200,000/- (nuai hnih) a ruahman a. April 21-23, 2017-ah Zohnuai, Lunglei-ah General Conference neih ni se tiin Programme duan sa pawmin, General Conference Agenda tur an chhawpchhuak nghal bawk. MBF Inkaihhuaina Dan duang tura ruat ten an rawn duan chhuah chu pawm a ni bawk.

Mizoram Baptist Federation hi Kohhran Pawl hrang hrang –  Baptist Principle leh Doctrine chhunga awm te intelkhawm-in an siam a ni a. April 13, 2012 khan Consultation neiin.  Hemi tuma kal, Kohhran Pawl hrang hrang aiawhte chuan Mizo Baptist Federation (MBF) an din thu statement siamin an puang a ni. Hetiangin :-

Keini, Baptist Principle-a kal Kohhran aiawh kalkhawmte hian Inlaichinna leh thawhhona tha zawk kan neih theih nan leh Pathian ram tana tangkai zawka rawng kan bawlho theih nan, Vawiin April 13, 2012(Zirtawpni) hian Mizoram Baptist Federation(MBF) kan din ta” tiin Resolution an lo siam tawh a ni.

Tunah hian Mizo Baptist Federation-ah hian Kohhran Pawl 6 awmin an inzawmkhawm a, Heng Member Kohhran te hi an Rorelna sang-ah te an in palai tawn mek a ni. MBF Memberte chu hengte hi an ni:-

  1. Baptist Church of Mizoram (BCM)
  2. Lairam Isua Krista Baptist Kohhran(LIKBK)
  3. Congregational Church of Maraland (CCIM)
  4. Isua Krista Kohhran (Bualpui NG)
  5. Zomi Baptist Church (ZBC)
  6. Evangelical Baptist Church (EBC)

 

Posted in Uncategorized.

Leave a Reply

Your email address will not be published. Required fields are marked *