MBKHP 2021 Inkhawmpui nei lovin, Rorelna chauh neih a ni dawn.

Mizoram Baptist Kohhran Hmeichhe Pawl (MBKHP) Executive Committee Meeting chuan MBKHP Inkhawmpui 2021, February thlaa S. Vanlaiphai-a neih tura ruahman tawh chu Covid-19 avang a ram dinhmun te thlirin neih loh mai ni se, tiin a rel.

Lib.Pic: MBKHP-2018 (Lunglawn)

July 17, 2020-a MBKHP Executive Committee meeting, Sap Upa leh Pu Buanga Hall, Serkawna neih chuan, 2021 MBKHP Inkhawmpui, South Vanlaiphaia neih tur chu BCM Administrative Committee July 10, 2020 thukhawm chuan, “MBKHP hnenah Inkhawmpui hi nei lova Rorel chauh nei turin thurawn (advice) pek ni se,” ti a MBKHP-te a hriattirna chu ngun taka ngaihtuahin, Administrative Committee thurawn ang hian, Covid-19 avanga khawvel leh kan ram dinhmunte thlirin 2021 MBKHP Inkhawmpui hi nei lovin, Rorel chauh neih ni se a ti a, Rorel hun atan February 20, 2021 (Inrinni) ruatin, a hmun atan S. Vanlaiphai chu thlan fel nghal a ni.

Meeting hi Pi F. Lalrochami, MBKHP President-in kaihruaiin Organiser Nl. Lalhminghmawii Chawngthu-in report tlangpui a pe a. Report-in a tarlan langsar zingah Bial BKHP ding thar pathum – Mampui Bial, Chawngte ‘L’ Bial leh North V    anlaiphai Bial te an awm thu leh, Mampui Bialah Unit 4, Chawngte ‘L’ Bialah Unit pathum leh North Vanlaiphai Bialah BKHP Unit 3 an awm thu a tarlang bawk.

MBKHP hian kum 2 danah Inkhawmpui nei thinin kum 2018 khan a vawi 50-na Lunglawn Field-ah neih a ni a. Ram pum huap BKHP Inkhawmpui-ah hian palai hi 4000-5000 vel an kal thin a a ni. Thlarau lam pur chawkna pawimawh tak a nih bakah Ram pum huapa Rorelna pawimawh tak neih thin a ni bawk.