MBKHP Executive Committee Meeting neih a ni.

Tunkar Nilaini, December 1, 2021 chawhma dar 11:00 khan BCM Hall, Hqrs. Office, Serkawn-ah Mizoram Baptist Kohhran Hmeichhe Pawl (MBKHP) Executive Committee Meeting neih a ni a. Meeting hi MBKHP President Pi Pc Lalvohbiki’n kaihruaiin, Nl. Lalhmingmawii Chongthu, MBKHP Seretary-in report tlangpui a pe.

Secretary Report ah hian, Kum 2022 MBKHP Rorel hun atan February 24 (Ningani) ruat a nih thu leh a hmun atan  BCM Biak in Venghlun a nih thu te, Kum 2021 Mirethei Kuttualleichham tanpuina diltu Pastor Bial 66 atanga mi 111 an awm thu leh mi pakhat hnenah Rs.3000/- theuh a tanpuina sem a nih thu te, February 17-18, 2022-a India Baptist Womens Union (IBWU) buatsaiha Presidents’ Summit awm turah MBKHP atangin Rbt.F.Zanguri a tel dawn thu te tarlan a ni.

Meeting hian Nakum 2022 hi Chhawmdawlna In kum 25-na (silver jubilee) a ni a, Silver Jubilee hi lawm ngei ni se tih a ni a. Nakum 2022-a MBKHP Rorel na atana thil tul hrang hrangte Meeting-ah hian ngaihtuah a ni a, Palai kal thei zat tur hi inkaihhruaina in a sawi angina Bial aiawh mi 2 leh Unit aiawh 1 tih ang hian kalpui ni se. Hei hi kan boruak tawn a zirin a tul chuan tih danglam leh tura tih a ni.