MBKHP Executive Committee Meeting neih a ni.

February 11 (Thawhlehni)  khan Mizoram Baptist Kohhran Hmeichhe Pawl (MBKHP) Executive Committee Meeting, Sap Upa leh Pu Buanga Hall, Serkawn-ah neih a ni a. Meeting hi Pi F. Lalrochami, MBKHP President-in a kaihruai a. MBKHP Organiser Nl Lalhmingmawii Chongthu in report tlangpui a pe.

He Meeting-ah hian MBKHP Rorel, February 27, 2020 –a neih tur atan thil tul hrang hrang thlir ho a ni a, BCM Assembly 2020-a BKHP aiawh palai tur ruat te, North East India Christian Council-Women Assembly (NEICC-WA) Seminar, Manipur a- neih turah MBKHP aiawh inruat thu te, International Womens’ Day, March 8 hman chungchang te bakah Bial hrang hrang atanga sawmna lo lut te chhan dan tur ruahman a ni bawk.

MBKHP Committee Meeting

MBKHP Organiser report-in a tarlan danin LIKBK Hmeichhe Inkhawmpui leh ECM Hmeichhe Inkhawmpui-ah MBKHP aiawh palai an in tirh thu leh BKHP hmingin chibaibuka leh duhsakna thuziak (Citation) pek an nih thu a tarlang a, MBKHP 2024 Inkhawmpui dawl turin Lungsen Pastor Bial BKHP te an remchan thu leh North East India Christian Council-Women Assembly (NEICC-WA) 14th Biennial Assembly, BCM Venglai, Lunglei-ah nghah a nih tur thu a tarlang a. February 27, 2020-a MBKHP Rorel Inkhawm BCM Thenzawl-a neih turah inbuatsaihna kalpui mek a nih thu te a tarlang bawk. Tin, MBKHP Planning-a an dah bawhzui na kal zel-ah Bial kilkhawr leh tlawh khat deuh te tlawh chhuah Programme neih chhoh mek a nih thu leh tun hnaiah Parva Bial tlawhin MBKHP Organiser leh executive Committee member pahnih an kal thu a report bawk.