MBKHP in Tawngtai Khaidiat an hmang dawn

Kum 2020, Mizoram Baptist Kohhran, Hmeichhe Pawl Rorelna-in a lo rel tawh  angin Mizoram Pum huapin BKHP te chuan December 19-20, 2020 hian Tawngtai khaidiat an hmang dawn.

He Tawngtai khaidiat-ah hian tawntgtai thupui hrang hrang then a ni a,  Missionary pual, Ram tan, Ruihhlo titute leh ruihhlo zuartute pualin Tawngtai subject buatsaih a ni.

He Tawngtai Khaidiatah hian Bial hrang hrang indawtin hun hman a ni ang a, a hmang hmasa ber ten December 19, zing dar 6:00-ah tannin December 20, zing dar 6:00-ah a tawp berin hun an khar ang.  BKHP  bial 88 te chu Group 24 ah țhen niin Group 1 hian darkar 1 zel hun an hmang ang a.

Lunglei Bazar Bial, Muallianpui Bial, Lengpui Bial leh Parva Bial ten tawngtai bul tannin, Pangzawl Bial, Tuiphai Bial, Aizawl Central Bial leh Farkawn Bial ten a tawp an khar dawn a ni.

Tawngtai khaidiat hman dan tur leh a tawngtai subject hi bial tinah thawnchhuah tawh niin a huhova Biakin a hman a rem loh avangin member ten mahni awmna hmun theuh atanga hman tur a ni ang.