MBKHP INKHAWMPUI 2018

Mizoram Baptist Kohhran Hmeichhe Pawl (MBKHP) Inkhawmpui vawi 50-na leh Rorel vawi 68-na ni bawk chu February 1-4, 2018 hian Lunglawn Mual-ah neih a ni dawn a, Inkhawmpui neihna tur Pandal sak leh Mikhual thlenna tura inpuahchahna pawh peihfel a ni ta.  MBKHP Inkhawmpui thupui tur chu ‘Lalpa lo kal lehna(Rom 13:11)” a ni ang. 

February 1, Thlenkim zan-ah vantlang inkhawm a awm ang a, a tuk, February 2, (Zirtawpni) nilengin Rorelna neih a ni ang. Kumin hi MBKHP Hruaitu thlan kum a ni a, hun hmasa lamah 2018-2021 chhung atana MBKHP hruaitu  tur thlan a ni ang. Rorel Palai ni ve lo te tan chawhma lamah “Nu hote leh Tunlai khawvel” tih thupui hmangin Seminar neih a ni ang a, Chawhnu nlamah BCM Choir te kaihhruainain Worship Service buatsaih a ni bawk ang. Zan lamah Vantlang Inkhawm a awm ang.

February 3, 2018 (Inrinni) chawhma-ah Pathian Biak Inkhawm neiin MBKHP Chhawmdawlna In Pual in hun hman a ni ang a, Chawhnu lamah Mission Pualin Fellowship a awm leh ang. Tun tum MBKHP Inkhawmpuiah hian Mission Field hrang hrang atangin Missionary chah chhuah an ni a, Missionary 40 vel lo kal tura beisei an ni.

Zan tinin Pathian Biak Inkhawm neih a ni ang a, Pathianni Chawhma Vantlang Inkhawm awmin, Chawhnu lamah Lalpa zanriah(Sacrament) buatsaih a ni ang. Zan lamah Inkhawm a awm leh dawn a ni. Zan lam inkhawm ban-ah hian Inpawlhona/zaikhawm neih chhunzawm thin a ni ang.

MBKHP Inkhawmpui-ah hian Speaker bik awm lovin mi hrang hrang-in thuchah an sawi dawn a. Hunpui (Vantlang) inkhawm bika thuchah sawi turte chu hengte hi an ni ang:-

Ningani(Thlenkim) zan  :    Upa C.Hmingliana Sr.Adviser MBKHP

Zirtawpni zan :  Upa C.Remmawii  Vice President  MBKHP

Inrinni zan :  Pi Zosangi Fin.Secretary MBKHP

Pathianni chawhma :  Pi F.Lalrochami President MBKHP

Pathianni chawhnu ( Sacrament ):   Rev.F.Ramdinmawia General Secretary,BCM

Pathianni zan :  Upa R.Lawmzuala Sr.Adviser, MBKHP

………………………………………………

MBKHP 2018 detailed Prog.(Docx)

MBKHP 2018 detailed Prog. (PDF)

Mikhual thlen dan tur

 

Like this page to read more Information : MBKHP 2018, Lunglawm

Posted in BCM News.