MBKHP Inkhawmpui tiak ta..

(Pic. MBKHP Inkhawmpui 2018 )

Mizoram Baptist Kohhran Hmeichhe Pâwl Inkhâwmpui vawi 50-na BCM Lunglâwn Pastor Bialin Lunglâwn muala an dâwl chu a tiak ta. Report tlângpui kohhrante hriattûr ang kan han târlang e.

# Inkhâwmpui Palai in riak lût2842 an ni a, Lunglawn bial pâwn lamah mi engemaw zât an thleng bawk. Inkhawm tam ber tum (Pathianni Chawhma) mi 6500-7,000/- vel an ni.

# Thupui – Lalpa lo kal lehna (Rom 13:11) a ni. Ni 2.2.2018-ah Rorêlna hun hman a ni a, Rorêl Palai 578 an ni.

# 2017 chhunga BKHP member ropuina rama kal mi 255 an awm.

# BKHP member zât – 30,061, Unit zât – 451.

# BKHP member Kohhran upaa ordained 40 an awm.

# 2019 MBKHP Rorêl chu BCM Lamthuamthum, Haulawngah neih a ni ang.

 

# Mission Support: Kum 2017 April – December (thla kua) chhûnga BKHP Pastor Bial leh Unit atanga Mission support-na Headquarters-a sum lût zât:

Aizawl Area – Rs. 10,07,378/-

Lawngtlai Area – Rs. 2,63,600/-

Lunglei Area – Rs. 14,19,100/-

Total – Rs. 26,90,078/-

# Kuminah hian an la tih ngai loh thil thar kan hmu – Inkhâwmpui hmanpui tûrin India ran pâwn atangin mi an sâwm a, inkhâwmpui chhûnga thu sawi tawng danga letlingin Head Phone hmanga ngaihthlâktîr an ni.

# Thawhlâwm: Inkhâwmpui chhûnga thawhlâwm zawng zawng chu Rs. 339,011/- a ni. Thawhlâwmte hi inkhâwmpuinaa Missionary lo kalte kal man sênso atâna tih a ni.

Thurêl tlângpuite:

  1. MBKHP Inkhâwmpui dâwltu tanpuina hi kum tinin khawn ni se, member pakhatin Rs. 20/- thawh ni tawh se.
  2. Kristian chhûngkaw pawimawhna Unit tin inzirtir thar leh ni se.
  3. BCM Biak In, Shillong sak tanpui nân Unit tinin neih ang anga tanpui ni se.
  4. Christian Hospital Poor Patient Fund Unit tinin theih ang anga tanpui ni se.
  5. Thu leh awm hma chuan MBKHP Inkhâwmpui dâwltu tanpuina hi Rs.3,00,000/- pêk ni tawh se, kum tinin budget-ah a remchân dân anga dah ni se.
  6. Ram tân, Missionary-te tân, ruih hlo ngaite tân, zu zawrh leh ei rûk tihtâwp a nih theih nân Unit tinin chawnghei tawngtai neih ni se. Kan ei ai ken khâwm a, suma chantîr ni sela, chûngte chu Missionary harsatna tâwkte tanpui nân hman ni se, kan neih dân tûr chu MBKHP Executive Committee in lo ruahman se tih a ni.
  7. Christian Hospital Serkawn ICU-a hman tûr Ventilator lei nân Unit tin vawi khat fehchhhuah neih ni se.
  8. Mirethei Kuttualleichham tanpuina member pakhatah Rs. 10/- tih ni tawh se.
  9. BKHP inkhâwm apiangin tawngtai thupui atân hêngte hi telh ni se.
    1. Mizoramah Cancer natna a lo tlêm theih nân leh Cancer vei ten Thlarau damna an neih theih nân.
    2. Kum 2018 MLA inthlan lo awm tûrah hian ram hruaitu tha, Pathian tih mi kan thlan theih nân.

 

  1. Kum 2018-2021 MBKHP Office Bearers (O.B) atân hêng mite hi thlan an ni.

President : F.Lalrochami, Lunglawn East (FOD ruat)

Vice President : Upa. C. Remmawii, Chanmari

Organiser : PS.Lalhmingthangi (thlan ngai lo, ni sa)Serkawn

Asst Secretary : Rbt. B. Singpari, Serkawn

Treasurer : Rbt. F. Zanguri, Venghlun

Fin. Secretary : Dr. Zoramthangi, Serkawn

Sr.Adiviser : Upa R.Malsawma, Lunglawn East. (Ruat)

: Upa. C. Lalhmangaihzuala, Ramthar

 

Tlangkâwmna:

Tûn tum Inkhâwmpuiah hian Lunglâwn Pastor bial an tangrualin engkim a fel fai êm êm a. Mikhualte tân a nuam thei ang ber engkim an lo buatsaih a, inkhâwmpui hlawhtlinna tûr pawhin tisa leh thlarau lamah an tang hle. He Inkhâwmpui hlawhtlinna tûr hian Bial chhûnga Kohhran pangaten Budget insiamin Budget pawh an hmu tha hle. He inkhâwmpui atân hian Nuai 43 chuang hmuin daihzai taka hman a ni. Tin, Khawtlâng mipuite an tangrualin Lunglâwn khawchhûnga Kohhran hrang hrangte pawhin sum leh hnatlângte thawkin an pui bawk. Sunday niin nise, Kohhran pawlhrang hrang PCI, UPC Mizoram leh North East te leh ECM-ten Biak in khâr meuhin he inkhâwmpui hi an tawiawm bawk a ni. Mikhual ni se, kohhran pâwl bîk thliar lovin lungrual takin an lo thleng bawk a ni. Hêngte hian Khawtlâng, Kohhran a ti pumkhat lehzual a ni.

HAW KAWNGAH THLARAU HNATHAWH
Kawrthah nuho MBKHP-inkhawmpui hawng bus-ah hla an play-a Pathian hnathawh ropui tak a lo thleng ta a. Mi thenkhatin taksa chetna an chang a, thenkhat Halelui pein an au chhuak a, thenkhat an tap bawk a. Tichuan an chuanna Bus ti dingin pawnah a chhuaka, hla 3-an sa a; tawngtaihonate an nei bawk.

Reports: Upa K. Lalnuntluanga, Editor, Baptist Today

 

Posted in BCM News.

admin