MBKHP Rorel vawi 68-na nei mek

Mizoram Baptist Kohhran Hmeichhe Pawl (MBKHP) Inkhawmpui vawi 50-na chu nizan khan tan a ni ta a. He inkhawmpui lian hi Lunglawn Field-a Pandal-a dung feet 180 leh a vang feet 150-a sak, mi 5000-600 vel leng tura buatsaih-ah nghah a ni. Tarlan tawh ang khan he Inkhawmpui thupui tur chu ‘Lalpa lo kal lehna” tih a ni. Nizan lamah report kan dawn danin mikhual 2770 vel an in report tawh a, hei hi khawpui pawn atanga lo kal an ni deuh ber, vawiin lamah Lunglei khawpui chhung leh khaw chhehvel atangin enngemawzat an awm belh bawk.

Nizan Thlenkim zan-ah inkhawm an thahnem hle a, Palai lawmna leh Inkhawmpui hawnna Inkhawm neiin Pi H.Liantluangi Executive Commt MBKHP -in Inkhawm a kaihruai a. Upa C. Hmingliana, MBKHP Sr. Adviser-in Pathian thuchah a sawi bakah Zaipawl – Tawipui ‘N’ Bial BKHP zaipawl,  Republic Vengthlang Bial BKHP zaipawl, Siaha ‘E’ Bial BKHP zaipawl an zai bawk. Inkhawm ban hnu-ah Inpawlhona/Zaikhawm-in a chhunzawm leh a ni.

Vawiin, February 2 (Zirtawpni) nilengin Rorelna neih a ni ang. Vawiin Rorel palai kal zat chu 566 an ni. Kumin MBKHP Rorel tur agenda hi MBKHP Executive atanga lut agenda 7 leh Pastor Bial atanga lut agenda 24  a awm a. Amaherawhchu agenda khaikhawm theih leh thuhmun engngemawzat a awm thung. Agenda langsar zual te chu –Ram tan chawnghei tawngtai/tawngtai, Missionary te puala tawngtai. 3) 2018 MLA inthlan lo awm tur atana tawngtai te, Christian Hospital tana thilpek leh tanpui rawtna hrang hrang te, BCO tanpui rawtna te, MBKHP Inkhawmpui atana Palaite registration fee mumal zawka kalpui rawtna te, Chhawmdawlna In melte tihchangtlunna tur leh Mipa Hostel sak me katana thawhlawm thawh chungchang te, Cancer veite puala tawngtai thupui nghet neih rawtna te, tawngtai khaidiat neih rawtna te a ni. Tarlan tawh ang khan kumin hi MBKHP hruaitu thlan thar kum a ni a, hun hmasa lamah Inthlan hi buatsaih a ni a, chanchin kan ziak laiin hruaitu thar thlan te kan la hre hman lo a ni.

Rorel Palai ni ve lo te tan chawhma lamah ‘Nu hote leh Tunlai khawvel ‘tih thupui hmangin Seminar neih a ni a, Pi Lalrothangi Sailo-in kaihruaiin Rev.K.Lalbiakenga Organiser, Public Guidance, BCM chu Resource person atan hman a ni. Chawhnu lamah BCM Choir te kihhruaiin Praise & Worship hun hman a ni ang.

Zanin dar 6:30-ah Vantlang Inkhawm a awm ang a, Pi  C.Thansiami Executive Commt MBKHP-in Inkhawm kaihtuaiin Upa C.Remmawii  Vice President  MBKHP hnen atangin “A Lo kal leh dawn thil thleng tur leh Chhinchhiahna” tih thupui hamngin thuchah ngaihthlak a ni ang a, BCM Salem Kohhran Zaipawl,  Buarpui ‘S’ Bial BKHP Zaipawl leh Lengpui Bial BKHP Zaipawl ten pathian fak hla an rem bawk ang.

MBKHP 2018 (Thlenkim zan Inkhawm)

…………………………………………………………

 

MBKHP Organiser Report :

Kum 2018 MBKHP Rorel Palai lo kal zawng zawngte kan Lalpa Isua Krista hmingin chibai ka buk a che u. Vawiinah hian kum 2017-2018 chhunga kawng hrang hranga BKHP hnathawh leh hmalaknate report theia ka awm hi BKHP Member zawng zawngte min tawngtaisakna leh min hmangaihtu Pathian khawngaihna vang liau liau a ni tih ka hria a, In vaia chungah leh Pathian chungah ka lawm hle a ni. Hemi kum chhung hian BKHP, Pastor bialte leh Unit tinten Pathian ram zauna tur leh Pathian ram a lo ngheh a, a lo lanfiah deuh deuhna turin kawng hrang hrangin hma kan la a. memberte inpekna leh thawhrimna nasa tak avangin hma pawh kan sawn hle a. BKHP member zawng zawngten A ram tana thawk theia min siamtu kan Pathian hnenah lawmthu sawi mawlh mawlh ila, tun aia nasa lehzuala thawk zel turin inhlan thar theuh ang u.

  1. Inchhiarna :
  • BKHP Member zat –           30061
  • BKHP Unit zat –           451
  • BKHP Pastor Bial zat _          84
  • MBKHP Executive Committee meeting neih zat – Vawi 9
  • MBKHP Office Bearers Committee meeting neih zat – Vawi 2

 

  1. Co-opted Member : MBKHP Executive Committee meeting No. 378 (No. of 2017-2018), dt 17th January, 2018 at 11:00am chuan kum 2018 MBKHP Rorela Co-opted member atan heng mite hi a ruat a, chungte chu :
  • Pi Lalnunzami Chawngthu, Secretary, MBKHP-Grace Society Board.
  • Pi Saprengpuii, Treasurer, MBKHP- Grace Society Board
  • Upa H. Lianchhhungi, Fin. Secretary, MBKHP-Grace Society Board.

 

  1. Kohhran Upa thar :

Kum 2017  Mizoram Baptist Kohhran hnuaia Area Baptist Council inkhawmpuiah khan BKHP member Rbt. LH. Sangziki, BCM Venglai, Lunglei chu Kohhran Upa atan nemngheh an ni a. BKHP member atanga kohhran kaltlanga rawngbawlna zau zawk nei thei tur Upa nemngheh Lalpan min pek zelh zel hi a ropiin a lawmawm hle mai. Tunah hian BCM ah Hmeichhe Kohhran Upa 40 kan nei a a ni. Lalpa chu fakin awm rawh se.

 

  1. Kum 2018 MBKHP thupui : Kum tinin MBKHP hian thupui kan nei thin a, kan inkhawmpui kumah chuan kan inkhawmpui thupui hi kan hmang thin a. Kuminah pawh hian kum tluana kan thupui tur chu, ‘LALPA LOKAL LEHNA,’  (Rom 13:11) hi a ni.

 

  1. 2019 MBKHP Rorelna tur :

MBKHP chuan kan inkhawmpui loh kuma rorel kan nei thin angin, kum 2019 pawh hian rorel hi neih leh tur a ni dawn a. Hemi kuma kan rorelna tur hi BKHP Haulawng Pastor Bial,  BCM Biak In Lamthuamthum, Haulawngah min dawl dawn a ni.

 

  1. MBKHP Inkhawmpui 2021 :

Kum 2021 hi MBKHP inkhawmpui kan neih leh hun tur a ni a. Dawl dil duhte tan dil hun hi MBKHP Executive Committee chuan December, 2017 ral hma kha hun a hawng a. MBKHP Executive Committee meeting No. 370, dt 17th January, 2018 chuan 2021 MBKHP Inkhawmpui dawl duhte tan dil hun hi 2018, March thla thleng a hawn belh leh a ni.

 

  1. Kum 2018-2019 a MBKHP thupui :

MBKHP hian kumtinin thupui kan nei thin a. Kum 2018-2019 ah hian kan lo tih thin angin kan inkhawmpui thupui, ‘LALPA LOKAL LEHNA’ Rom 13:11 hi kan thupui a ni. Sawmna chhanga kan kalnaah thupui neisa a nih loh chuan thupui kan neih hi keimahni lam programme-a kan feh chhuahna apiangah chuan kan kalpui thin.

 

  1. Kum 2018 BCM Assembly-a Palai tur :

MBKHP Executive Committee chuan kum 2018 a BCM Assembly-a MBKHP aiawha Palai turin Pi F. Lalrochami, President, MBKHP a ruat.

 

  1. Rawngbawla zinchhuahna :

Kum 2017-2018 chhung hian Mizoram chhung leh pawnah MBKHP chuan Pathian khawngaihna avangin rawngbawlna hmun hrang hrangah a nei a, Hetianga rawngbawl theia min siamtu Pathian chungah kan lawm hle a ni. Chung kan fehchhuahnate chu :

 

  • Ramchhung :
  1. Dt 3-5, March, 2017 – BKHP, Chhipphir Pastor Bial Inkhawmpui.
  2. 17-19, March, 2017  – BKHP, Zawlnuam Pastor Bial Inkhawmpui.
  3. 14th May, 2017 – BKHP, Tawipui ‘N’ Pastor Bial Seminar Cum Retreat.
  4. 14th May, 2017  – BKHP, Lungrang Pastor Bial-Tlawh khat bial tlawh.
  5. 6th August, 2017 – BKHP, Vairengte Pastor Bial – Tlawh khat Bial tlawh.
  6. 1st October, 2017 – BKHP, Phawngpui ‘N’ Pastor Bial – Tlawh khat Bial tlawh.
  7. 26-27, August, 2017  – BKHP, Zawlpui Pastor Bial – Seminar.
  8. 1-2, November, 2017 – BKHP, S. Vanlaiphai Pastor Bial – Seminar.
  9. 19-21, January, 2018  – BKHP, Saitual Pastor Bial – Inkhawmpui.

 

  • Rampawn :
  1. 24-25, February, 2017 – IBWU Executive Committee, Bangalore.
  2. 28-30, April, 2017 – NEICCWA 12th Biennial Assembly, Mairang, Shillong.

(Hetah hian BKHP Member 21 kal a ni).

  1. 24-27, August, 2017 – Global Chin Christian Federation Women’s Conference,   Kualalampur, Malaysia.
  2. 24-26, November, 2017 – Birpara Area Nu Pawl inkhawmpui, Birpara, North Bengal .
  3. 6-7, December, 2017 – IBWU (North East Region) Seminar, Gwuahati.

 

  1. MBKHP Hruaitute fehchhuahna leh thiltih dangte :
  • 10-12, August, 2017 – MBKHP Hruaitute Retreat, BCM Ramzotlang Biak In Hall, Serkawn.
  • 17th September, 2017 – 2018 MBKHP Inkhawmpui dawltu Organising Committee-te nen inkawmhona neih a ni.
  • 14th January, 2018 – 2018 MBKHP Inkhawmpui dawltu Bial tlawh
  • 11th November, 2017 – MBKHP-Grace Society hnuaia thawktute leh MBKHP Hruaitute Inpawlho – MBKHP-Chhawmdawlna Inah nilengin neih a ni.
  • MBKHP-Chhawmdawlna In – Group-a inthenin vawi 9 (thla tinin vawi khat) tlawh a ni.
  • 14th January, 2018 – 2018 MBKHP Inkhawmpui dawltu Organising Committee-te nen inkawmhona neih a ni.

 

  1. Kum 2017-2018 chhhunga MBKHP rawngbawlna hrang hrang atanga tihhlawhtlin dan :
  • BKHP Inkhawm nei thei Unit zat – 404
  • MBKHP Thuzir zir thei Unit zat                   – 414
  • BKHP Day hmang thei Unit zat – 410
  • Zirtawp zan apianga Tu leh fate puala tawngtai hun hmang thei Unit zat – 392
  • Chhawmdawlna In pual Rinna thutiam pe thei Unit zat – 420
  • Chhawmdawlna In puala fehchhuak thei Unit zat –  419
  • IBWU pual tawngtai hmang thei unit zat – 404
  • NEICCWA pual tawngtai hmang thei unit zat – 416
  • Chawnghei tawngtai hmang thei unit zat – 406
  • BWA Hmeichhe tawngtai November thawhtanni hmasa ber hmang thei unit zat – 411
  • MBKHP Inkhawmpui dawltu tanpuina member tina Rs. 10/- pe thei unit zat  – 409
  • Mirethei kuttualleichham chawmtu neilo tanpuina member tina Rs. 10/- pe thei unit zat               – 432
  • Christian Hospital, Serkawn ICU-a hman tur Ventilator leina tur fehchhuak thei unit zat – 421
  • Zemabawk Cancer Hospital poor fund atana tanpuina pe thei unit zat – 417
  • Christian Hospital, Lawngtlai tanpuina pe thei unit zat  – 419
  • BKHP Inkhawm zan apianga Jail tangte tana tawngtai thei unit zat                                             – 384
  • Report hun chhunga Bial chhunga BKHP member thi zat                                                                –  255
  • Bial chhunga Loisi lak zat  – 14907
  • Loisi Missionary/Midang tana laksak zat  –  2325
  • Buhfaithama hmasawn unit zat  – 342
  • Missionary Support pe thei unit zat –  171
  • Missionary Support pe thei Bial zat – 77

 

  • Rawngbawlnaa lawmna :

MBKHP, Bial leh Unit atanga tihtur hrang hrangte Memberten inlungrual takin kan ti thei zelte leh Bial leh Unit thenkhatten Bial pawn leh Mission field-te kan tlawh thei a, lawmawm hle.

 

 

 

  • Rawngbawlnaah harsatna:

Pastor Bial thenkhat inhlat lutuk, sum tuakna harsa leh inkal pawhna thalo hi kan harsatna tam ber a ni.

 

  • Sum tuak dan tlangpui :

Group leh mimal target intuk, Rinna thutiam, inkhawm thawhlawm, ram lam leh in lama fehchhuah, thehkhawm, envelope sem/khawn, ran vulh, thil hrang hrang zawrh, Lo/Leipui siam, thing phurh, thingfak thehkhawm, dawr sia/nghah, Secondbale hawn, jumble sale, inhlawhfak, bawm inleng, etc.

 

  1. Rawngbawlna dang :
  • Mirethei kuttualleichham chawmtu neilo tanpuina : Kum 2017 khan Mirethei kuttualleichham chawmtu neilo tanpuina hi Pastor bial 44 atangin mi mi 74 hnenah pek a ni a, mi pakhatah 4,000/- zelin pek a ni. A vaiin Rs. 2,96,000/- pek chhuah a ni.

 

  • MBKHP Tuzir : Kumin 2018 ah hian ‘Thuhriltu lehkhabu’ kan zir dawn a. Kan thuzir tur min ziaksaktu Pi Lalremruati Rokhum, Asst. Proffessor, AICS, chungah pawh kan lawm hle a ni. Kum 2019 a kan thuzir tur hi ‘’Jakoba Lehkhathawn’ a ni a, hei hi Nl. S. Thanchhungin min ziaksak mek bawk. A ni chungah pawh kan lawm hle.

 

  • Chawnghei tawngtai : Kum 2016 chawnghei tawngtaia kan ei ai kenkhawm sum tlingkhawm atangin Missionary damllo leh harsa zualte, an nupui/pasal, fanau damlo damdawi ina admite leh kan Hruaitu damlo na zualte mi ___ hnenah tanpuina pek a ni.

 

  1. Buhfaitham : Kum 2017, April-December (thla kua) thlenga Buhfaitham sum Headquarters-a lut zat hetiang hi a ni :
  • Aizawl Area –               96,53,670/-
  • Lawngtlai Area –               82,05,925/-
  • Lunglei Area –           2,97,19,562/-

Total               –           Rs. 4,75,79,157/-

Buhfaitham report hi thla 9 (April-December) chhung a ni a, Rs. 4,75,79,157/- lai kan lo tlin leh thei ta hi a lawmawm hle a ni.

 

  1. Mission Supoort : Kum 2017 April – December (thla kua) chhunga BKHP Pastor Bial leh Unit atanga Mission supportna Headquarters-a sum lut zat :
  • Aizawl Area –           10,07,378/-
  • Lawngtlai Area –              2,63,600/-
  • Lunglei Area –           14,19,100/-

Total               –           Rs. 26,90,078/-

 

Mission support report hi BKHP Pastor bial leh unit hrang hrang atanga thla 9 (April-December) chhunga lut a ni a, Rs. 26,90,078/- lai a lo ni hman hi thil lawmawm tak a ni. BKHP-ten Mission rawngbawlna kan ngaih pawimawhzia a tilang chiang, kumthar lamah pawh tan i la thar zel ang u. Mission Support I MBKHP kal tlang lova BCM Headquarters-a chhun luh a ni.

 

  1. MBKHP-in rel thar ngailova kum tina bawhzui tur kan neihte :
  • Zirtawp zan apianga tu leh fate puala tawngtai
  • MBKHP-Chhawmdawlna In pual Rinna thutiam.
  • MBKHP-Chhawmdawlna In pual vawikhat fehchhuah.
  • IBWU & NEICCWA puala tawngtai.
  • BWA Hmeichhe tawngtai November thawhtanni hmasa ber.
  • Mirethei kuttualleichham chawmtu neilo tanpuina member tinin Rs. 10/- thawh.
  • Inkhawmpui loh kum apianga Inkhawmpui dawltu tanpuina member tinin Rs. 10/- thawh.

 

  1. Kum 2017 MBKHP Rorel bawhzuina :
  2. Chawnghei tawngtai : Unit zawng zawng deuh thawin chawnghei tawngtai kan nei thei a, a lawmawm hle.
  3. Fehchhuah : Christian Hospital, Serkawna hman tur Ventilator leina atan Unit tinten vawikhat fehchhuah kan nei thei theuh a, a lawmawm hle.
  4. Theih ang anga tanpui : Zemabawk Cancer Hospital poor fund atan leh Christian Hospital, Lawngtlai building sak tanpuina Unit tinin theih ang angin kan pe a, a lawmawm hle.
  5. Jail tangte tana tawngtai : BKHP Unit tinten kan inkhawm apiangin Jail tangte tana tawngtaina kan nei thei a, a lawmawm hle.
  6. Loisi midang/Missionary-te tana laksak : Kum 2017 chhung khan kan chanchinbu Loisi hi BKHP, Pastor bial leh unit, mimal leh chhungkua engemaw zatin copy sangkhat aia tam mah kan laksak thei a,a lawmawm hle. Misionary-te tana kan laksakna sum tlingkhawm atang hian kan Missionary-te bakah Partnership lama kan thawhpui te, Home hrang hrangah te, Jail-ah te, Hospitalah te leh MBKHP-Chhawmdawlna In leh Drop-in-Centre ah te, Chakma leh Bru Mission hnuaia a local worker te leh Non Mizo mission hnuaia thawktute thlengin (Mizo tawng chhiar theite chu) a thlawnin kan thawn theih phah bawk a, a lawmawm hle.

 

  1. Loisi chanchinbu : Loisi chanchinbu hi thlatin tihchhuah a la ni zel a. Tunah hian copy singkhat sangruk deuhthaw hi latu kan awm a. Heng bakah hian BCM hnuaia thawk Missionary te, Partnership-a kan thawhpuite leh Bru leh Chakma te, Non-Mizo hnuaia thawk Mizo tawng chhiar thei zawng zawng te, Mizoram chhim lama Home hrang hrang leh Jail-ah te leh Hospital-ahte copy engemaw zat thawnchhuah a ni.

 

  1. MBKHP-Loisi chanchinbu sum dinhmun (2017-2018) :
2016 Balance 379044
Recipt during the year 1274163
Total Receipt 1653207
Expenditure 1146065
Balance 507142
Balance Statement:
Cash at Bank 380705
Cash in Hand 126437
Balance 507142

 

Audited and found Correct :

Auditors :

 

(H. LALHUZAUVA)                                                                               (PS. LALHMINGTHANGI)                                                                                                                               Cir.Manager.

 

 

(R. LALBIAKMUANA)

 

 

 

  1. Kum 2017-2018 chhunga MBKHP sum dinhmun :

Sum hmuh zawng zawng        –           Rs. 89,21,631/-

Sum hmanral zawng zawng    –           Rs. 85,28,109/-

Sum hman bang (Balance)     –           Rs.  3,93,522/-                                                                                                            

  1. MBKHP Hruaitute – (2015-2018) :

OFFICE BEARERS :

President                     _          Pi F. Lalrochami (F.O.D ruat).

Vice President             –           Upa C. Remmawii

Organiser                    –           Pi PS. Lalhmingthangi (Pastoral ruat)

Asst. Secretary            –           Rbt. B. Singpari

Treasurer                    –           Pi H. Lalkimi

Finance Secretary       –           Pi Zosangi

Senior Adviser             –           Upa R. Lawmzuala

Upa C. Hmingliana (F.O.D. ruat)

EXECUTIVE COMMITTEE MEMBERS :

Upa LH. Sangziki         –           Venglai, Lunglei

Rbt. F. Zanguri                        –           Venghlun, Lunglei

Dr. Chawngthanpari   –           Serkawn (Aizawl)

Pi V. Biaklawmi           –           Kikawn, Lunglei

Pi A. Lalmalsawmi      –           IBC, Lawngtlai

Pi J. Zodingliani           –           Kanaan, Lawngtlai

Pi Lalhliri Ralte                       –           Farm veng, Lunglei

Pi Lianropuii                –           Lunglawn, Lunglei

Pi H. Liantluangi          –           Ramthar, Lunglei

Pi Lianthangi               –           Rahsiveng, Lunglei

Pi C. Zonunsangi         –           Zotlang “n”, Lunglei

Dr. Zoramthangi         –           Serkawn, Lunglei

Pi S. Lalbiakthangi       –           Theiriat, Lunglei

Pi C. Zothankhumi       –           Shalom, Aizawl

Rbt. Lawmzuali           –           Zemabawk

Pi PC. Lalvohbiki          –           Ebenezer, Zobawk.

Pi T. Lalchhingpuii       –           Zotlang, Lunglei

Pi K. Zopari                  –           Salem, Lunglei

Pi F. Lalawmpuii          –           Electric, Lunglei

Pi C. Thansiami           –           Moria, Lunglei.

 

  1. MBKHP-Grace Sociaty Board O.B-te – (2015-2018) :

Chairman                    –           Upa C. Remmawii

Vice Chairman                        –           Upa LH. Sangziki

Secretary                     –           Pi Lalnunzami Chawngthu

Asst. Secretary            –           Pi V. Biaklawmi

Treasurer                    –           Pi Saprengpuii

Finance Secretary       –           Upa H. Lianchhungi

  1. Loisi Editorial BoardO.B-te-(2015-2018) :

            Editor                          _          Pi Zosangi

Joint Editor                  –           Rbt. F. Zanguri

Cir.Manager               –           Pi PS. Lalhmingthangi

Asst. Cir. Manager      –           Pi H. Lalkimi

 

Posted in BCM News.