MBKHP Rorel zo ta, thu passed-te

February 02, 2018 (Zirtawpni)-a Mizoram Baptist Kohhran Hmeichhe Pawl (MBKHP) Rorel vawi 68-na, Mizoram Baptist Kohhran Biak In, Lunglawn East-a neih chu tluang takin an zo ta a,  hriat theih chinah rorel palai 566 an kal.

MBKHP Rorel Inkhawm hi Pi F. Lalrochami, President-in a kaihruai a,  Devotions hun a hman zawhah Palai te chibaibukna neiin kaltate sunna hun hman a ni. MBKHP organiser Pi PS Lalhmingthangin report a pek hnuah rorelna neih ngha a ni. Vawiin Rorel-ah hian Agenda 33 awmin MBKHP Executive atangin Agenda 7 leh Bial atanga agenda 24 ngaihtuah a ni. Hengte hi an thu passed te an ni:-

 

MBKHP ROREL 2017 : THU PASS- TE Kum 2018-19 Budget atan Rs 10,00,000/- pawm a ni.

Rorelnaah hian kum 2018-2021 chhung a MBKHP hruatu thlanna neih a ni a, Vice President atan Upa C.Remmawii thlan a ni a. Asst.Secy Rawngbawltu B.Singpari thlan niin Treasurer-ah Rawngbawltu F.Zanguri , Fin.Secy atan Dr Zoramthangi thlan a ni bawk. Organiser term chelh mek Pastoral Dept ruat Pi P.S Lalhmingthangi a ni a.  President thar Pi F. Lalrochami leh Sr. Adviser pakhat Upa R. Malsawma te pawh FOD comtt. ruat niin Senior Adviser pakhat atan Upa C.Lalhmangaihzuala thlan thar a ni bawk

MBKHP hian kum 2018 a a hmachhawp zingah HIV&AIDS, Human Traficking & Drug abuse Seminar & awareness Lawngtlai, Aizawl leh Lunglei Area-ahte neih nise an ti a.

Rorel thu pawimawh zingah Inkhawmpui dawltu bial tanpuina MBKHP atangin Rs 3 lakhs dah zel ni se, kum tinin budget-ah dah luh nise an ti a. Inkhawmpui tanpuina atan BKHP member zawng zawngin kum tin Rs 20 zel thawh thin ni se an ti bawk. Kum khatah vawi khat tal tanpuina pek chhuah nise a tih angin BCM Shillong Biak In sak tanpui nise an ti a, Christian Hospital Serkawn leh Lawngtlai Poor Fund-ah dah nise an ti bawk. Lawngtlai South Bial atanga thu lut MBKHP in tawngtai khaidiat neih nise tih chu pawm a ni a, tawngtai thupui tur hi ‘Ram tan leh Missionary’ te tan tih a ni ang.

Rorel chhung hian Pandal lamah mipui vantlang tan inkhawm buatsaih a ni a. Chawhma lamah Seminar hun hmangin Rev K.Lalbiakenga Organizer, Public Guidance BCM chuan ‘Nu hote leh tunlai khawvel’ tih thupui hmangin a zirtir a. Chawhnu lamah erawh chuan BCM Choir kaihhruaiin Praise & Worship hun hman a ni thung.

Inkhawmpui palai an la thlen belh zel a, 2815 in registration an tifel a Registration ti lo engemaw zat an la awm a, lo la kal tur pawh an awm nia hriat a ni. Inkhawmpui hi Zonet, LPS bakah Lunglei Cable Operator pahnih LDF leh JB Cable Network ten live in an pe chhuak a ni.

Posted in Uncategorized.